Aldizkaria | Maiatz |
Sortze urtea | 1982 |
Mota | Literatura |
Saltzen den lurraldea | Euskal Herria |
Editatzen den hiria | Baiona |
Hizkuntza | Euskara |
Maiztasuna | zehaztugabea |
Argitaratzea | |
Argitaletxea | Maiatz aldizkaria |
Inprimategia | |
Ekoizpena | |
Zuzendaria | Lucien Etxezaharreta |
Kontakturako bidea | |
ISSN | 0231-1558 |
"Maiatz" euskaraz argitaratutako aldizkaria da, literatura arloan diharduena. Ipar Euskal Herriko idazleen lanek osatzen dute eduki gehiena, mugaz bertzaldekoenak eta itzulitako atzerritarrenak ere agertzen badira ere.
1982ko otsailean kaleratu zen Maiatz aldizkariko lehen alea. Piarres Xarriton, Itxaro Borda, Lucien Etxezaharreta eta Aurelia Arkotxa ditugu sortzaileen artean. Iparraldeko idazle multzo zabala bildu zitzaien hasieratik egitasmo hartan, eta haietako hainbaten testuak kaleratu ziren lehen alean: Henriette Aire, Aurelia Arkotxa, Jon Casenave, Jean Louis Davant, Eñaut Etxamendi, Txomin Peillen, Auxtin Zamora, Etienne Salaberri, Mayi Pelot, Beltza, Manex Erdozaintzi-Etxart… Handik aurrera, Iparraldeko idazle zahar nahiz gazteen bilgune izan da Maiatz, Iparraldeko euskal literaturaren bultzatzaile eta eragile.
Honela zioen lehen zenbaki hartako aitzin solasak:
« | Aldizkari bat, gurea. Gauza batzuk, denetarik, euskaraz, lantuak. Gure literatura.
Literatura, zertarako? Gure sendimenduak ez diten bakarrik pasa bainan bizi ditzagun. Maitasuna, lana, tristezia eta mendiak, esperantza eta gau baten zoriona, euskaraz. Gureak euskaraz direlakoan. Literatura guretako. Ez gauza hil batzuk, ikerketa hotzetarakoak eta errautsez bete erakustokietarakoak. Literatura bizirako. |
» |
1984tik aitzinera, aldizkari izatetik argitaletxea ere izatera igaro zen, eta liburuak kaleratzen hasi zen Uhargi Saila izenez. Itxaro Bordaren Bizitza nola badoan Poemak (1974-1984) izan zen Uhargi Sailaren liburuan. Haren ondotik etorriko ziren hainbat idazle ezagunen lanak: Manex Erdozaintzi-Etxart, Eñaut Etxamendi, Mayi Pelot, Imanol Txabarri, Jean Louis Davant, Auxtin Zamora... eta abarren lanak.
![]() |
Artikulu hau Euskal Herriko kulturari buruzko zirriborroa da. Wikipedia lagun dezakezu edukia osatuz. |