Inazio Mujika
Bizitza
Jaiotza	Donostia, 1963ko azaroaren 18a (60 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	idazlea eta editorea
Jasotako sariak	ikusi Espainiako Kritika Saria euskarazko narratibari  (1994) : Hautsaren kronika

Inazio Mujika Iraola (Donostia, Gipuzkoa, 1963ko azaroaren 18a) euskal idazlea eta editorea da. Erein argitaletxean lan egiten du. Itzulpengintzan eta gidoigintzan ere aritu izan da.

Bizitza

Irakasle eta filologia ikasketak egin zituen. 1993an Alberdania argitaletxea sortu zuen, Jorge Giménez Bech-ekin batera. 1991-1993 bitartean, Lur argitaletxearen euskarazko hiztegi entziklopedikoaren erredakzio taldean lan egin zuen. 1994-1997 bitartean, Goenkale telesailerako elkarrizketak idazten jardun zuen. Karramarro Uhartea animaziozko film luzearen gidoilaria ere izan zen, Joxean Muñozekin elkarlanean. Filmak animaziozko film onenaren Goya Saria irabazi zuen 2002an. Bestalde, Oscar Wilderen Salome, Sylvain Saulnierren Marie ttikia eta Javier Aguirre Gandariasen Eguzkiak liburuak itzuli ditu euskarara.

Lanak

80ko hamarkadako euskal narraziogintzaren ikur bilakatu zaigu Azukrea belazeetan (1987) bere lehen narrazio-bilduma.^[1]

Narrazioa

• Azukrea belazeetan (1987, Erein)^[2]
• Tu Quoque (1991, Arabako Foru Aldundia)
• Itoak ur azalera bezala (1993, Kutxa fundazioa)
• Hautsaren kronika (1994, Alberdania)
• Matriuska (1995, Erein)
• Sagarrak Euzkadin (2007, Alberdania)

Eleberria

• Gerezi denbora (1999, Alberdania)

Haur eta gazte literatura

• Linkon (1991, Erein)
• Urguleko arima herratua (1997, Donostiako Udala): Joxean Muñozekin elkarlanean
• Akeita gol (2001, Ttarttalo-Irusoin): Joxean Muñozekin elkarlanean
• Balearekin kantuan (2001, Ttarttalo-Irusoin): Joxean Muñozekin elkarlanean
• Dimitri eta itsas txakurrak (2001, Ttarttalo-Irusoin): Joxean Muñozekin elkarlanean
• Dimitri eta sorgina (2001, Ttarttalo-Irusoin): Joxean Muñozekin elkarlanean
• Urrezko zuhaitza (2002, Ttarttalo-Irusoin): Joxean Muñozekin elkarlanean
• Perla zuria (2002, Ttarttalo-Irusoin): Joxean Muñozekin elkarlanean
• Hans eta igela (2020, Erein)
• Ez apuratu (2020, Erein)

Saiakera

• Xabier Lete (auto)biografia bat (2011, Alberdania) liburu honekin, "Euskadi Saria" eskuratu zuen.

Sariak

• 2012 Euskadi saria,  Xabier Lete (Auto)biografia bat obrarengatik.
• 1994 Espainiako Kritika Saria euskarazko narratibari
• 1992 Irun Hiria saria, Itoak ur azalera bezala ipuinarengatik.
• 1990 Ignacio Aldecoa saria, Tu quoque ipuinarengatik.

Erreferentziak

Kanpo estekak

• «Inazio Mujika Iraola», Literaturaren Zubitegia.