Foroa, interneten, pertsonek gai jakin baten inguruan beren iritziak eman eta argitaratzen dituzten online eztabaidagune asinkronoak dira. Foroak arautuak daude. Maiz, hierarkia bat dute, adibidez, parte-hartzaile arruntak eta foroaren funtzionamendua erregulatzen duten moderatzaileak daude.
Bestalde, aplikazio hauek gaien eta eztabaiden arabera kategorizatuak egon ohi dira.
Foroen sailkapena
Foro babestua (edo pribatua): hemen ezinezkoa da parte hartzea erregistratu gabeko erabiltzaileentzat. Hau da, norbaitek mezuak bidali edo iruzkinak egin nahi baditu, lehenik erregistratu egin behar da. Edo gonbita jaso.
Foro publikoa: Foro publikoan edonork parte har dezake erregistratu gabe. Denek irakurri eta bidal ditzakete mezuak.
Foro iraunkorra: gai bat lantzeko mugarik gabe ezartzen dena da.
Komunikazioaren bat-batekotasunari begira, foroak honela sailka daitezke:
Sinkronoa. Zuzenean eztabaidatzen denean. Txandaka baina denbora jarraituan.
Asinkronoa. Parte hartzaileek beren mezuak argitaratu egiten dituzte eta erantzunak handik ordu edo egun batzuetara jaso daitezke.