Arrate | |
---|---|
![]() | |
Arrateko Amaren santutegia | |
![]() | |
Kokapena | |
Herrialdea | ![]() |
Udalerria | Eibar |
Administrazioa | |
Posta kodea |
|
INE kodea |
|
Geografia | |
Koordenatuak | 43°12′18″N 2°26′47″W / 43.2051117°N 2.44628978°W |
Garaiera | 523 metro |
Demografia | |
Biztanleria | 90 (2022: Adierazpen errorea: Ustekabeko < eragilea Espresio akatsa: Ez dago operadorerik -(r)entzat) |
Arrate Eibarko (Gipuzkoa) auzunea da. Udalerriaren mendebaldean dago, Bizkaiarekiko mugan. Izen bereko mendi gain batean dago, 556 m-tara.
Arr(i) + arte -> Arrarte -> Arrate. Beraz Arrateren esanahia hurrengoa da: Harri artean dagoena
Gailurrean gurutze bat dauka eta bertatik gertu Arrateko Andre Mariaren santutegia dago; Ama Birjina hau Eibarko zaindari izendatu zuten 1928an. Santutegiaren inguruan aisialdirako gune zabala dago, jatetxe, taberna eta hotelarekin. Arrate Irratia herri emisorak bertatik emititzen du. Parke guztia pagoz inguratuta dago.
Santutegiaren lehen aipamenak 1498koak dira. Gaur egungo eliza XVII. mendekoa da. Barruan egurrezko bobeda berezia du, burdinsare barroko bat eta Andre Mariaren irudi gotikoa ditu.
Arrateko Andre Mariarenganako debozioa inguru guztian zabaldurik dago, baina Eibarren da indartsuena. Bertako jaia irailaren 8an ospatzen da (Andre Mariaren jaiotza). Egun horretan eta maiatzaren 15ean (San Isidro eguna, baserritarren zaindaria) elizkizunez gain herri-kirol erakustaldiak eta idi-dema saioak egin ohi dira.
Andre Mariari ereserki hau abesten zaio:
Arrateko Ama, gure zaindari onena
gure herri dana hartu eta zaindu, Ama
Zure semeak eskerrak iritsi dagiguz
danok zerura juan gaitezen, Ama, egizu
![]() |
Wikimedia Commonsen badira fitxategi gehiago, gai hau dutenak: Arrate |
![]() |
Euskarazko Wikipedian bada atari bat, gai hau duena: Euskal Wikiatlasa |