La Universitato de Ibadano (angleUniversity of Ibadan, akronime UI) estas la plej malnova kaj gvida universitato de Niĝerio, situanta proksimume 8 km de centra Ibadano en Ŝtato Ojo.
La universitato estis fondita en 1948, kaj en 2009 havis proksimume 12,000 studentoj. Ĝi havas dek tri malsamajn altlernejojn aŭ fakultatojn, inkluzive de juro, agrikulturo kaj forstado, medicino, sociosciencoj, teknologio, eduko kaj veterinara medicino [1].
Historio
La universitato havas siajn radikojn en Yaba Higher College, kiu estis establita en 1932. En januaro 1948, la 104 studentoj ĉe Yaba translokiĝis al Ibadano, kaj la universitato formale malfermiĝis la 25an de marto de tiu jaro. La universitato estis fondita en 1948 kiel universitata kolegio Ibadano, unu el multaj altlernejoj ene de la Universitato de Londono[2]. Ĝi fariĝis sendependa universitato en 1962 kaj estas la plej malnova grado-premianta institucion en Niĝerio. Ĝi estas la ununura institucio en Niĝerio kiu estis establita antaŭ sendependeco en 1960.
Iamaj studentoj
La iamaj studentoj de la universitato inkludas, inter aliaj:
Emeka Anyaoku, Ĝenerala sekretario de la ŝtatkomunumo
Léopold-Joseph Bonny Duala-M'bedy, politika sciencisto
John Pepper Clark, lirikisto kaj dramisto
Olubanke King-Akerele, Ministro por eksteraj aferoj
William F. Kumuyi, Pastro
Essien Udosen Essien-Udom, sociologo kaj politika sciencisto
Olu Falae, politikisto
Chukwuemeka Ike, verkisto
Wole Soyinka, verkinto, 1986 Nobel-premiito pri Literaturo
Frederick Nnabuenyi Ugonna, etnologo, lingvisto
Christopher Okigbo, lirikisto
Gamaliel Onosode, politikisto
Martin Ihoeghian Uhomoibhi, diplomato, Prezidanto de la Konsilio pri Homaj Rajtoj de UN 2008-2009
Ken Saro-Wiwa, verkinto, homaj-rajtoj-aktivulo
Fontoj
van den Berghe, Pierre L.. (1973) Power and privilege at an African university, With the assistance of Paul Alabi [and others], London: Routledge & Kegan Paul. ISBN 0710075855.
(2003) African higher education: An international reference handbook. Bloomington: Indiana University Press. ISBN 978-0-253-34186-0.
Por plia legado
(1981) Ibadan Voices: Ibadan University in Transition. Ibadan University Press. ISBN 978-978-121-109-6.
