Madlena Norbergowa, nim. Madlena Norberg (* 22. měrca 1958[1]) jo dolnoserbska rěcywědnica, kulturna procowaŕka a publicistka, wědomnostna sobuźěłaśeŕka Rěcnego centruma WITAJ[2]. Awtorka młogich linguistiskich pśinoskow na pólu sorabistiki. Źowka Herberta Nowaka.
W lětach 2009-2013 wóna jo była županka župy Dolna Łužyca[3], a w lětach 2004-2009 jo wóna była cłonk Rady za nastupnosći Serbow.
W 2012 Madlena Norbergowa jo dostała cesne znamuško Domowiny[4].
Madlena Norbergowa a Peter Kosta stej załožyłej wědomnostny sorabistiski rěd Podstupimske pśinoski k Sorabistice a stej byłej jogo redaktora a wudawarja.