Herbert Cerna, teke: Herbert Cernja[1], nim. Herbert Zerna (* 9. septembra 1905 w Górach, † 24. oktobra 1955 w Popojcach) jo był dolnoserbski faraŕ, teolog a spisowaśel, domowniski slěźaŕ, prědny serbski filmaŕ[2]
Herbert Cerna jo se naroźił ako syn ceptarja, Mjertyna Cerny. Wón jo był wuknik w Chóśebuskem gymnaziumje a potom jo studěrował ewangelsku teologiju na uniwersiśe w Jenje, Tübingenje a Halle. Wót lěta 1937 až do 1945 Cerna jo był z fararjom w Janšojcach. Po wójnje wót lěta 1949 jo wón fararił w Popojcach.
Cerna jo pisał pśinoski do Chóśebuskich casnikow a teke jo fotografěrował ludowe nałogi. Wokoło lěta 1930 wón jo zachopił filmy wjerśiś[3]. W zymje 1930-1931 Cerna jo spisał graśe Moja domownja, kotarež jo było pśedstajone prědny raz w Janšojcach w 1931[4].
- Dolnoserbska drastwa, 1929/30, 3 minuty, režija gromaźe z Vladimírom Zmeškalom
- Dolna Łužyca, 1929/30, 6 minutow, režija gromaźe z Vladimírom Zmeškalom
- Serbski swěźen we Wětošowje, 1930, 10 minutow, režija gromaźe z Vladimírom Zmeškalom
- Kulowska gmejna, 1930/31, 8 minutow
- Moja domownja. Źewjeś wobrazow ze serbskego žywjenja, źiwadłowe graśe
- 2008 - Źo jo mój dom, [w:] Ze žywjenja na lanźe: pratyjarje wulicuju, Budyšyn[5].
- ↑ Gregor Wieczorek, Kak pisaś – Cerna abo Cernja? Wót problemow ze serbskimi mjenjami, Nowy Casnik, 14.12.2016
- ↑ Gregor Wieczorek, Herbert jo z nimi do Pragi jěł, Nowy Casnik, 07.12.2016
- ↑ Pawoł Nowotny, Dolnoserbske pismojstwo 1918-1945, Budyšyn 1983, b. 76.
- ↑ Pawoł Nowotny, Dolnoserbske pismojstwo 1918-1945, Budyšyn 1983, b. 76.
- ↑ Wopśimjeśe toś tych knigłow
- Gerat Hančka: Cerna, Herbert, [w:] Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow, Budyšyn 1984, b. 85-86.
- Pawoł Nowotny, Dolnoserbske pismojstwo 1918-1945, Budyšyn 1983, b. 75-76.