![]() Hennessey yn chwarae i Gymru yn 2011 | |||
Gwybodaeth Bersonol | |||
---|---|---|---|
Enw llawn | Wayne Robert Hennessey | ||
Dyddiad geni | 24 Ionawr 1987 | ||
Man geni | Bangor, Gwynedd, Cymru | ||
Taldra | 1.98m[1] | ||
Safle | Golwr | ||
Y Clwb | |||
Clwb presennol | Crystal Palace | ||
Rhif | 13 | ||
Gyrfa Ieuenctid | |||
2001–2003 | Manchester City | ||
2003–2006 | Wolverhampton Wanderers | ||
Gyrfa Lawn* | |||
Blwyddyn | Tîm | Ymdd† | (Gôl)† |
2006–2014 | Wolverhampton Wanderers | 152 | (0) |
2006 | → Bristol City (benthyg) | 0 | (0) |
2007 | → Stockport County (benthyg) | 15 | (0) |
2013 | → Yeovil Town (benthyg) | 12 | (0) |
2014–2021 | Crystal Palace | 110 | (0) |
2021-2022 | Burnley | 2 | (0) |
2022- | Nottingham Forest | 2 | (0) |
Tîm Cenedlaethol‡ | |||
2002-2004 | Cymru dan 17 | 6 | (0) |
2004-2006 | Cymru dan 19 | 7 | (1) |
2005–2009 | Cymru dan 21 | 6 | (0) |
2007– | Cymru | 108 | (0) |
* Cyfrifir yn unig: ymddangosiadau i Glybiau fel oedolyn a goliau domestg a sgoriwyd. sy'n gywir ar Ionawr 31 2023 (UTC). † Ymddangosiadau (Goliau). |
Chwaraewr pêl-droed Cymreig yw Wayne Robert Hennessey (ganwyd 24 Ionawr 1987). Mae'n chwarae i Nottingham Forest yn Uwch Gynghrair Lloegr a thîm cenedlaethol Cymru.
Dechreuodd Hennessey gydag Academi Manchester City ond bu rhaid i'r teulu symud o Ynys Môn i fyw yng Nglannau Dyfrdwy er mwyn ei alluogi i deithio i Manceinion[2].
Gadawodd Manchester City pan yn 16 mlwydd oed wedi i'r clwb ffafrio Kasper Schmeichel fel eu dewis cyntaf i'r tîm ieuenctid a symudodd i Wolverhampton Wanderers. Cafodd ei gêm broffesiynol cyntaf tra ar fenthyg gyda Stockport County a llwyddodd i dorri record y Gynghrair Bêl-droed am gadw llechen lan mewn naw gêm yn olynol[3].
Chwaraeodd 166 o gemau i Wolverhampton Wanderers dros gyfnod o wyth tymor, gan gynnwys tri thymor yn Uwch Gynghrair Lloegr cyn symud i Crystal Palace ym mis Ionawr 2014.
Mae Hennessey wedi ennill capiau i dimau cenedlaethol Cymru dan17, dan 19 a dan 21 a llwyddodd i sgorio yn erbyn Twrci dan19 â chic rhydd.[4].
Cafodd ei gap cyntaf i dîm cenedlaethol Cymru fel eilydd ail hanner yn y gêm gyfeillgar ar Y Cae Ras,Wrecsam yn erbyn Seland Newydd ym mis Mai 2007[5]. a casglodd ei 50fed cap yn erbyn Cyprus ym mis Medi 2015[6].
Chwaraeodd ym mhob un o gemau Cymru yn ymgyrch rhagbrofol Pencampwriaeth UEFA Euro 2016, gan ildio pedair gôl yn unig. Cafodd ei gynnwys yng ngharfan 23-dyn Cymru ar gyfer y bencampwriaeth ond bu rhaid iddo fethu'r gêm agoriadol yn erbyn Slofacia oherwydd problem gyda'i gefn[7].
|published=
ignored (help)
|published=
ignored (help)
|published=
ignored (help)