Sonia Edwards | |
---|---|
Ganwyd | 1961 ![]() Cemaes ![]() |
Dinasyddiaeth | ![]() |
Galwedigaeth | ysgrifennwr ![]() |
Awdures Gymreig yw Sonia Edwards (ganed Cemaes, Ynys Môn), enillydd Llyfr y Flwyddyn ym 1996, Medal Ryddiaith 1999 a 2017. Bu'n athrawes yn Ysgol Gyfun Llangefni cyn ymddeol yn gynnar i sgwennu'n llawn amser.[1]
Addysgwyd yn Ysgol Gynradd Cemaes, Ysgol Uwchradd Syr Thomas Jones a Phrifysgol Bangor.[2]
Enillodd y Fedal Ryddiaith yn Eisteddfod Genedlaethol Cymru Ynys Môn 1999 gyda Rhwng Noson Wen a Phlygain ac enillodd eto yn Eisteddfod Genedlaethol Cymru Ynys Môn 2017 gyda Rhannu Ambarél. Daeth Y Goeden Wen yn ail yng nghystadleuaeth y Fedal Ryddiaith yn Eisteddfod Genedlaethol Cymru Dinbych 2001.
Enillodd y gyfrol Byd Llawn Hud o farddoniaeth (a oedd yn cynnwys cyfraniadau gan Sonia Edwards, Ceri Wyn, Tudur Dylan, Mererid Hopwood, ac Elinor Wyn Reynolds) Wobr Tir na n-Og yn 2003.[3]
Roedd ei llyfr Merch Noeth ar restr hir Llyfr y Flwyddyn yn 2004. Hyd at 2017 roedd wedi cyhoeddi 27 o nofelau a chasgliadau o straeon byrion i blant, pobl ifanc ac oedolion.[4]
Mae'n fam i Rhys, sy'n athro ac yn brif leisydd y grŵp Fleur de Lys, ac yn byw yn Llangefni.