Ur skoargenn (eus skoaz ha genn), pe skoarchenn, zo ur pezh dilhad a vez douget war ar skoaz.
A-wechoù e vez graet anv eus skoargenn evit skoazigell pa gomzer eus ur sae.
Gant soudarded, ofiserien dreist-holl, e vez douget skoargennoù.
Meneget eo ar ger e Geriadurig Ernault, ha merket evel ur ger eus Eusa. Adkemeret eo e Geriadur istorel ar brezhoneg hag e Geriadurig Roparz Hemon.
Skoarchell zo ivez e Geriadur istorel ar brezhoneg, kemeret eus Geriadur Pelletier.
Skoazgenn eo ar ger e Geriadur Favereau, "skoargenn"" o vezañ un adstumm ; "skoazgenn" eo e Geriadur Ménard ivez.