Sarzhav
Porzh al Lojoù.
Anv gallek (ofisiel)	Sarzeau
Bro istorel	Bro-Gwened
Melestradurezh
Departamant	Mor-Bihan
Arondisamant	Gwened
Kanton	Sarzhav (betek 2015) Sine (abaoe 2015)
Kod kumun	56240
Kod post	56370
Maer Amzer gefridi	Jean-Marc Dupeyrat 2021-2026
Etrekumuniezh	Mor Bihan - Gwened Tolpad-kêrioù
Bro velestradurel	Bro Gwened
Lec'hienn web	(fr)Ti-kêr
Poblañsouriezh
Poblañs	8 866 ann. (2020)[1]
Stankter	147 ann./km²
Douaroniezh
Daveennoù lec'hiañ	47° 31′ 41″ Norzh 2° 46′ 07″ Kornôg / 47.5280555556, -2.76861111111
Uhelderioù	kreiz-kêr : 21 m bihanañ 0 m — brasañ 42 m
Gorread	60,23 km²
Sarzhav
kemmañ

Sarzhav zo ur gumun eus Breizh e departamant ar Mor-Bihan. Penn kanton e oa betek 2015.

Douaroniezh

Anv

• Erwan Vallerie ː Sarzeau, 1260; Sarzau, 1341, 1395, 1407, 1453, 1516; Serzau, 1630; Sarzeau, 1636^[2]

Ardamezioù

Rannet : ouzh 1 en glazur e deir flourdilizenn en aour (Bro-C'hall), ouzh 2 erminiget (Breizh), e gab en gul karget gant ul lestr greiet, goueliet ha flammet en aour.[3] Ardamezioù 1789 Ger-stur: A fluctibus opes "Eus ar mor (e teu) ar binvidigezh".

Istor

Dispac'h Gall

• Melestradurezh: krouet e voe kumun Sarzhav diwar parrez Sarzhav e 1790. Gant al lezenn eus an 23 a viz Eost 1790 e voe lakaet Sarzhav da benn ur c'hanton, hini Sarzhav^[4]; teir c'humun a oa ennañ: Arzhon-Rewiz, Lokentaz ha Sarzhav; e Bann Gwened e oa. Miret e voe ar c'hanton dindan anv Kanton Sarzhav ivez ha lakaet e voe Sarzhav en Arondisamant Gwened e 1800^[5], gant lezenn an 8 pluviôse an IX (28 a viz Genver 1801), dezhi an titl loi portant réduction du nombre de justices de paix.

XIX^vet kantved

• Krouet e voe kumun Sant-Armael d'an 22 a viz Mae 1858 diwar ul lodenn eus kumun Sarzhav^[6].
• Krouet e voe kumun Tro-Park d'ar 6 a viz Ebrel 1864 diwar ul lodenn eus kumun Sarzhav^[7].

XX^vet kantved

Brezel-bed kentañ

• Mervel a reas 211 gwaz ag ar gumun abalamour d'ar brezel, da lâret eo 4,53 % eus he foblañs e 1911^[8].
• Ur c'hamp-bac'h a voe digoret er gumun e 1914 evit derc'hel enbroidi eus ar stadoù o stourm ouzh Bro-C'hall ennañ^{[9],[10],[11]}.

Maroko

• Mervel a reas ur soudard e 1926.

Eil brezel-bed

• Mervel a reas 55 den ag ar gumun abalamour d'ar brezel^[8].
• Caillibotte, maer ar gumun, a zilezas e garg e miz Eost 1941 peogwir e save a-enep d'an urzh nevez^[12].

Brezelioù didrevadennañ

Brezel Indez-Sina

• Mervel a reas seizh milour^[13].

Brezel Aljeria

• Mervel a reas pemp milour^[14].

Liban

• Mervel a reas ur soudard e Beirout e 1983^[15].

Brezhoneg

Ya d'ar brezhoneg

D'an 20 a viz Kerzu 2006 e oa bet votet ar garta Ya d'ar brezhoneg gant kuzul-kêr ar gumun. D’an 28 a viz Du 2011 e oa bet roet d'ar gumun al label Ya d'ar brezhoneg live 1.

Deskadurezh

• Klasoù divyezhek a zo eno abaoe 1993.
• E distro-skol 2022 e oa 44 skoliad enskrivet er c'hlasoù divyezhek (8,4 % eus skolidi ar gumun evit a sell ouzh ar c'hentañ derez)^[16].

Monumantoù ha traoù heverk

Ragistor

• 
  Peulvan Kervilarz.
• 
  Peulvan Boderin.

Krennamzer

• 
  Kastell Susinioù.

Relijion gatolik

• 
  Chapel an Iniz.
• 
  Iliz katolik Sant Saturnin.

Monumantoù ar re varv

• Er vourc'h, luc’hskeudenn^[17]. Dioueliet e voe d’an 23 a viz Ebrel 1922^[18], e Brilhag, luc’hskeudenn^[19] hag e Perwiz^[20].

Bezioù ar C'hommonwealth e bered ar gumun

Kanada Rouantelezh-Unanet

Bro Niver a soudarded Kanada 1 (Aerlu) Rouantelezh-Unanet 1 (Tirlu) Hollad 2 Marvet e oant e-pad an Eil Brezel Bed, hini an Tirlu d'an 28 a viz Meurzh 1942 e-pad an Oberiadenn Chariot, hini an Aerlu d'ar 16 a viz Du 1942[21].

Poblañs

Emdroadur ar boblañs abaoe 1793

Melestradurezh

• 
  An ti-kêr.

Tud

• Alain-René Lesage, skrivagner gallek a Vreizh, d'an 8 a viz Mae 1668.
• Claude-Vincent Cillart de Kerampoul, geriadurour brezhonek, e 1686.
• Zavier Langleiz, arzour ha skrivagner, d'ar 27 a viz Ebrel 1906.
• Jeanne Le Mithouard.
• Paul Helleu.
• Marie Lefranc.

Ardamezeg ar familhoù

	du Bahuno Aotrounez Lannouëdic En sabel e vleiz tremenant en argant leinet gant ur greskenn ivez en argant. [22]
	Baudouin Aotrounez Keraudren En gul e nav c'hanochenn en argant; 3, 3, 2, 1; e c'hrenngonk en argant karget gant ur c'hanochenn en gul
	Drouillard Aotrounez Kerlen En glazur e dri aval-pin en aour [23]

Gevelliñ

• Dahlem (Alamagn) abaoe 2007

Liammoù diavaez

Muioc'h a restroù diwar-benn

Sarzhav

a vo kavet e Wikimedia Commons.

• (fr) Ti-kêr Sarzhav

Notennoù ha daveoù