Pluniav
Chapel Sant Nigouden.
Anv gallek (ofisiel)	Pluméliau
Bro istorel	Bro-Gwened
Melestradurezh
Departamant	Mor-Bihan
Arondisamant	Pondi
Kanton	Baod (betek 2015) Pondi (abaoe 2015)
Kod kumun	56173
Kod post	56930
Maer Amzer gefridi	Benoît Quéro 2014-2018
Etrekumuniezh	Kreiz Mor-Bihan Kumuniezh
Bro velestradurel	Bro Pondi
Lec'hienn Web	(fr)www.plumeliau.net
Poblañsouriezh
Poblañs	3 624 ann. (2016)[1]
Stankter	64 ann./km²
Douaroniezh
Daveennoù lec'hiañ	47° 57′ 30″ Norzh 2° 58′ 20″ Kornôg / 47.9583333333, -2.97222222222
Uhelderioù	kreiz-kêr : 135 m bihanañ 33 m — brasañ 182 m
Gorread	67,72 km²
Pluniav
kemmañ

Pluniav a oa ur gumun eus Breizh e Kanton Pondi e departamant ar Mor-Bihan hag e Bro-Gwened. Abaoe 2019 eo aet d'ober kumun Pluniav-Bizhui.

• War lez ar Blavezh emañ Pluniav.

• Erwan Vallerie ː Plomeleau, Plemeliau, 1066; Plumeliat, 1286; Plemeleau, 1287; Plimeleau, 1288; Plemeliau, 1296; Plemeliant,1296; Plemelio, 1304; Ploemeliau, 1387; Plouemiliau, 1516; Ploemellyau, 1554; Plomelio, 1630; Plumelio, 1636^[2]

En glazur e c'hleze ouzh kab en arc'hant, dornellek en aour, heuliet gant seizh rozenn en aour ouzh c'houremm
Sturienn ː Trema er Vuhe>
Aozer ː Loïc Ermoy (1979). Ar 7 rozenn a dalv evit ar 7 vloaz en deus renet Meliau, kent bezañ lazhet gant e vreur^[3].

• Melestradurezh: krouet e voe kumun Pluniav e 1790. Gant al lezenn eus an 23 a viz Eost 1790 e voe lakaet da benn ur c'hanton, hini Pluniav, gant teir c'humun ennañ: Pluniav, Moustoer-Remengol ha Remengol. E Bann Pondi edo. Gant al lezenn eus an 8 pluviôse an IX (28 a viz Genver 1801), dezhi an titl loi portant réduction du nombre de justices de paix, e voe diskaret kanton Pluniav ha lakaet Pluniav e Kanton Baod, bet krouet ha brasaet gant ar memes lezenn. Lakaet e oa bet Pluniav en Arondisamant Pondi bet krouet e 1800^[4],[5].
• 13 ha 14 Meurzh 1793: sevel a reas tud Pluniav ouzh galvadeg an tri c’hant mil soudard (lezenn an 23 a viz C’hwevrer 1793), lazhet e voe un ugent republikan bennak gante, ar c’homiser broadel Félix Ruinet du Tailly eus Pondivi, Christophe Picard, letanant a ganolierezh eus An Oriant hag an archer Beuve Méry en o mesk^[6].

• Mervel a reas 285 gwaz eus ar gumun abalamour d'ar brezel, da lâret eo 6,00 % eus he foblañs e 1911^[7].

• 1940: d'an 19 a viz Even e tegouezhas al lu alaman e Pluniav^[8].
• 1944:
  • 14 a viz Ebrel: daou benn an FTP er Mor-Bihan, Jean Kesler (Jim) ha Maurice Devilers (Michel), a voe lazhet en ur c'hrogad gant an Alamaned er Boulaye^[9].
  • Ti-post: d'ar 25 a viz Mae e voe tapet 91 145 Lur gant tud eus ar Rezistañs ha 2 656,10 Lur d'an 19 a viz Gouhere; d'an 2 a viz Eost e voe roet 2 100 Lur d'an FFI^[10].
  • 5 a viz Gouere: daou ezel eus an FTP a zo lazhet goude ur c'hrogad gant an Alamaned er Run^[11].
  • 14 a viz Gouere: emgann Kervernen etre an Alamaned hag an FTP, tro 160 soudard alaman a vije bet lazhet, 58 stourmer eus ar Rezistañs a varvas, un 20 bennak eus paotred ar strouezheg a voe fuzuilhet goude an emgann^[12].
  • 29 a viz Gouere: nav ezel eus ar Rezistañs, gant Jean Jamet, letanant en archeriezh bet ganet e Lannejenn ha Mathieu Donnart, penn an Armée secrète e Penn-ar-Bed en o mesk, a zo bet fuzuilhet gant an Alamaned er Rodu^[13].

• 
  Anv R. Justum, un den eus Pluniav, ouzh monumant ar re fuzuilhet e Porzh-Loeiz.

• 1945: d'an 23 a viz Mae e voe kavet korfoù marv tri den eus ar gumun e-tal gwikadell Porzh-Loeiz. Er Rezistañs e oant; fuzuilhet e oant bet gant al lu alaman^[14].
• Mervel a reas 41 den ag ar gumun abalamour d'ar brezel^[7].

• Mervel a reas ur milour ag ar gumun^[7].

• 2015: war urzh ar maer e voe distrujet an "ti-kêr-ti-post", savet e 1951 gant an tisavour Léon Bellec hervez doare ar Seizh Breur.
• 2019 : bodet e oa gant Bizhui-an-Dour d'ar 1añ a viz Genver 2019 evit ober ur gumun nevez : Pluniav-Bizhui^[15].

• Chapel Sant Nikolaz an Dour, XVI^vet kantved.

• Chapel Sant Nigouden, XVI^vet kantved.

• Ar feunteunioù.

• Ar c'halvar.

• 
  Ar monumant.

• Monumant ar re varv e-tal an iliz katolik,luc’hskeudenn^[16].

• Al linenn hent-houarn Pondi–an Alre a dreuz ar gumun.

Niver a annezidi

• Frañsez-Mari Beleg (1799-1878), troour brezhonek, ganet ha marvet e Pluniav.
• Louis Quilléré (1802-1863), beleg ha skrivagner brezhonek, ganet ha marvet e Pluniav.
• Stefan ar Strad (1865-1954), skrivagner brezhoneg, ganet ha marvet e Pluniav.

Alleno, aotrounez Kersperlan

En argant e deir joskenn en sabel diframmet en gul

^[18]

• Bizhui-an-Dour,
• Pluniav-Bizhui.

Muioc'h a restroù diwar-benn

Pluniav

a vo kavet e Wikimedia Commons.

Sellit ouzh ar ger Pluniav er
wikeriadur, ar geriadur frank.

• (br) Pluniav war lec'hienn Geobreizh