Ploueskad
Koc'hu Ploueskad, XVIvet kantved.
Anv gallek (ofisiel)	Plouescat
Bro istorel	Bro-Leon
Melestradurezh
Departamant	Penn-ar-Bed
Arondisamant	Montroulez
Kanton	Ploueskad (betek 2015) Kastell-Paol (abaoe 2015)
Kod kumun	29185
Kod post	29430
Maer Amzer gefridi	Eric le Bour 2020-2026
Etrekumuniezh	Gorre-Leon Kumuniezh
Bro velestradurel	Bro Montroulez
Lec'hienn web	http://www.mairie-plouescat.fr/
Poblañsouriezh
Poblañs	3 522 ann. (2020)[1]
Stankter	238 ann./km²
Douaroniezh
Daveennoù lec'hiañ	48° 39′ 28″ Norzh 4° 10′ 24″ Kornôg / 48.657778, -4.173334
Uhelderioù	bihanañ 0 m — brasañ 56 m
Gorread	14,79 km²
Ploueskad
kemmañ

Ploueskad (distaget [plu.ˈɛs.kat]) a zo ur gumun eus Breizh en arvor Bro-Leon, e departamant Penn-ar-Bed. E kanton Kastell-Paol emañ bremañ, goude bezañ bet penn kanton betek 2015.

Douaroniezh

Brezhoneg

Ar Brezoneg er Skol

• 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol^[2].

Deskadurezh

• Ur skol divyezhek a zo eno abaoe 1999.
• E distro-skol 2022 e oa 37 skoliad enskrivet er c'hlasoù divyezhek (13,2 % eus skolidi ar gumun evit a sell ouzh ar c'hentañ derez)^[3].

Istor

Dispac'h Gall

• Tud eus ar gumun a gemeras perzh en Emgann Kergidu d'ar 24 a viz Meurzh 1793 e-kichen Plougouloum; un dell-gastiz a 6 000 lur a voe paeet gant ar gumun edan 24 euriad^[4].

XX^vet kantved

Brezel-bed kentañ

• Mervel a reas 119 gwaz eus ar gumun abalamour d'ar brezel, eleze 4,17% ag ar boblañs hervez an niveradeg bet graet e 1911^[5].

Eil brezel-bed

• Mervel a reas 70 den ag ar gumun abalamour d'ar brezel^[6].
• D'ar 1añ a viz C'hwevrer 1941 e kouezhas un nijerez Beaufort I marilhet L9866 ha kodet MW-J eus 217 Squadron ar Royal Air Force (aerlu ar Rouantelezh-Unanet) e Ploueskad; lazhet e voe he fevar nijour, ne voe ket kavet o c'horfoù; d'an 10 a viz Ebrel 1941 e kouezhas un nijerez Spitfire I marilhet P9307 ha kodet LY-? eus ar 1st Photographic Reconnaissance Unit Squadron eus ar Royal Air Force e Ploueskad; lazhet e voe he levier, ne voe ket kavet e gorf; d'ar 5 a viz Gouere 1944 e kouezhas un nijerez Spitfire Vb marilhet EP756 ha kodet AZ-? eus ar 234th Squadron eus ar Royal Air Force er mor nepell eus Ploueskad; ne voe ket kavet korf he levier^[7].

Brezelioù didrevadennañ

Brezel Indez-Sina

• Mervel a reas c’hwec’h milour eus ar gumun^[8].

Brezel Aljeria

• Mervel a reas tri milour eus ar gumun^[9].

Monumantoù ha traoù heverk

• Monumant ar re varv er vered; e 1922 e voe savet, luc’hskeudenn^[10].

• 
  Bae ar C'hernig.
• 
  An iliz katolik.
• 
  Maen-hir Kamm Loui.
• 
  Termoù Gorre Bloue.

Bezioù ar C'hommonwealth e bered ar gumun

Bro	Niver a vartoloded
Kanada	1 (Merdeadurezh kenwerzh-Brezel-bed Kentañ)
Kanada	59 (Morlu-Eil Brezel-bed), 25 anezhe chomet dianav
Hollad	60

60 a dud eus ar C'hommonwealth a zo douaret e bered ar gumun. Unan anezhe, ur martolod eus ar verdeadurezh kenwerzh, a varvas e miz Even 1918, e-pad ar Brezel-bed Kentañ. An holl re all a varvas e-pad an Eil Brezel-bed, d'an 29 a viz Ebrel 1944, pa voe kaset o bag, an destroyer HMCS Athabaskan d'ar strad gant an tarzher alaman Elbing T-24 e-pad an Eil Brezel Bed^{[11],[12],[13]}.

Etimologiezh

• Ploeresgat e 1282; Pleuréesquet e 1308; Ploerezcat war-dro 1330 ha 1426; Ploezcat e 1467.

Emdroadur ar boblañs abaoe 1962

Niver a annezidi

Melestradurezh

Tud

Tud bet ganet eno

• 1799 : Eozen Kombod,
• 1876 : Pêr Tremintin,
• 1898 : Yann-Loeiz Rozeg, skrivagner brezhonek
• 1929 : Gwenc'hlan Le Scouëzec, mezeg, skrivagner ha Drouiz-meur Goursez Vreizh
• 1960 : Dom Duff, gitarour ha kaner brezhonek.

Tud marvet eno

• 1862 : Yves-Marie Gabriel Laouenan, skrivagner brezhonek. Beziet eo e Ploueskad ivez.

Gevelliñ

Bro	Kêr	Abaoe
Alamagn	Wanfried	1967
Bro-Saoz	Braunton	1975

Liammoù diavaez

Muioc'h a restroù diwar-benn

Ploueskad

a vo kavet e Wikimedia Commons.

• (fr) Lec'hienn an ti-kêr
• (br) Ploueskad war lec'hienn Geobreizh

Notennoù ha daveoù