Ur plin (kammskrivet *plinn a-wechoù ), un dañs-plin, dañs a-blin pe c'hoazh dañs Fañch, zo un dañs eus Kerne-Uhel (a-reter da Vêl-Karaez), ha gevred Bro-Dreger (kanton Boulvriag hag an trowardroioù). Komzet e vez eus Bro Plin, hag eus Bro Fañch a-wechoù.
Dañset e vez ar plin en ur chadenn serr (pe digor a-wechoù) ouzh ar c'han-ha-diskan pe ouzh ar binioù kozh ha bombard peurvuiañ.
Teir lodenn zo : dañs plin (ton kentañ pe ton simpl) — bal plin(ton kreiz) — dañs plin (ton diwezhañ pe ton doubl).
Kustum eo kanerien ha sonerien Bro-Dreger da ganañ pe da seniñ tonioù plin e festoù-noz ar vro.