Lokournan

Anv gallek (ofisiel)

Saint-Renan

Melestradurezh

Lokournan (pennlec'h)

Kod kumun

29260

Kod post

29290

Maer
Amzer gefridi

Gilles Mounier
2020-2026

Poblañsouriezh

8 276 ann. (2020)^[1]

Stankter

622 ann./km²

Douaroniezh

Daveennoù
lec'hiañ

48° 25′ 54″ Norzh
4° 37′ 14″ Kornôg / 48.431667, -4.620556

Uhelderioù

bihanañ 27 m — brasañ 95 m

Gorread

13,31 km²

Lokournan

Lokournan a zo ur gumun eus Bro-Leon ha pennlec'h kanton Lokournan, e departamant Penn-ar-Bed, e gwalarn Breizh.

Douaroniezh

An Aber Ildud a dreuz Lokournan.

Ardamezioù

	"en aour, e varc'h distern en sabel " diwar ur siell eus ar XIV^vet kantved diviz ar c'huzul-kêr: 30 a viz Meurzh 1981

Istor

Dispac'h Gall

Dekred eus ar 26 a viz Du 1790 war al le ret: e penn-kentañ 1791 e voe nac'het al le ouzh ar Roue, ar vro hag al lezennoù gant ar person, Pierre-Marie Poullaec e anv, ha gant Herve Trévien, kure^[2].

XIX^vet kantved

1837 : diwar c’houlenn enseller ar skolioù kentañ-derez e voe kondaonet ar skolaer Guillaume Marcel d'un dell-gastiz evit bezañ digoret ur skol e-maez lezenn ; kelenn a rae brezhoneg d'e skolidi.

XX^vet kantved

Brezel-bed kentañ

Mervel a reas 73 gwaz ag ar gumun, eleze 3,29% ag he foblañs e 1911, abalamour d'ar brezel^[3].

Eil brezel-bed

Mervel a reas 44 den ag ar gumun abalamour d'ar brezel^[4].
Dieubet e voe Lokournan d'ar 7 a viz Eost 1944 gant lu ar Stadoù-Unanet^[5].

Brezel Korea

Mervel a reas milour eus ar gumun e Muchon d’an 1 a viz C'hwevrer 1951^[6].

Brezelioù didrevadennañ

Brezel Indez-Sina

Mervel a reas c’hwec’h milour eus ar gumun^[7].

Brezelioù didrevadennañ

Brezel Aljeria

Mervel a reas tri milour eus ar gumun ^[8].

Monumantoù ha traoù heverk

Monumant ar re varv, luc’hskeudenn^[9].

Bezioù ar C'hommonwealth e bered ar gumun


Bro	Niver a soudarded
Rouantelezh-Unanet	7 (Aerlu)
Hollad	7

Mervel a rejont e-pad an Eil Brezel Bed, tri anezhe d'an 14 a viz Meurzh 1941 pa gouezhas o c'harr-nij (Blenheim marilhet V5399 ha kodet PZ-G) e Plouarzhel, ar re arall d'ar 4 a viz Ebrel 1941 pa gouezhas o c'harr-nij (Hampden marilhet AD738 ha kodet ZN-?) e Plouarzhel^[10]^,^[11].

Tud

Tud bet ganet eno

1885 : Loeiz Dujardin, gouizieg war danvez Breizh hag ar brezhoneg.
1922 : Reun ar Glev, yezhadurour ha geriadurour brezhonek.
1959 : Didier Squiban, pianoour.
1982 : Nolwenn Leroy, kanerez.
1993 : Pauline Coatanea, c'hoarierez mell-dorn .

Tud marvet eno

1969 : Loeiz Dujardin.

Emdroadur ar boblañs abaoe 1962

Niver a annezidi

Brezhoneg

Ar Brezoneg er Skol

1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol^[12].

Ya d'ar Brezhoneg

Ur skol Diwan a zo e Lokournan abaoe miz Gwengolo 2008.
E distro-skol 2022 e oa enskrivet er skol Diwan hag er c'hlasoù divyezhek 217 skoliad (14,2 % eus skolidi ar gumun evit a sell ouzh ar c'hentañ derez)^[13]