Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Navet miz ar bloaz eo miz Gwengolo en Deiziadur juluan evel en Deiziadur gregorian.

Dont a rafe an anv eus ar c'holo a zo deuet gwenn ar parkeier war-lerc'h an eost.

Miz an distro d'al labour eo evit kalz a labourerien, evit ar skolidi hag ar studierien.

Deizioù a bouez

• 21 : deiziad ofisiel an diskaramzer.
• 29 : Gouel Mikael ; gwechall e oa en deiz-se e veze paeet ar feurm d'ar perc'henn

Krennlavaroù

• « Da viz Gwengolo / E teu dour er poulloù
• « E miz Gwengolo / En abardaez 'mañ an dorno »
• « Gounid ouzh diskar loar Gwengolo / Ne vez na greun na kolo »
• « Gourmikaël hag an Ankoù / A laka kalz cheñchamantoù »
• « Da c'houel sant Jili / E teu ar goañv e penn an ti »^[1]
• « Hiziv emañ gouel sant Jili / Kant levenez, mil prederi »
• « Da c'houel Mazhev / Ar frouezh zo holl darev »^[2]
• « Glav, glav, ken e timezo merc'h ar Mazhev / Marc'h ar Mazhev zo dimezet, hag ar glav ne ehan ket »
• « Da c'houel Mikael, da c'houloù-deiz / An Tri Roue 'vez er c'hreisteiz »^[3],[4]
• « E foar an Trokerezh / Un ebeul evit ur gwenneg »^[5]
• « Meurlarjez, Meurlarjez / Me 'garje 'vije bemdez / An eost div wech ar bloaz / Ha Gouel Mikael bep seizh vloaz »

Notennoù