Gwenezan zo ur gumun a-wechall eus Breizh e departamant Aodoù-an-Hanternoz. Ul lodenn eus kumun Bear eo bremañ, er gevred.
Douaroniezh
Istor
Gwenezan a oa ur barrez en eskopti Treger[1]. Hervez labourioù Erwan Vallerie e oa unan eus parrezioù kentañ Breizh hag en em astenn a rae war douaroù a zo bremañ e kumunioù Bear ha Koadaskorn.
Krouet e voe ar gumun e 1790. E 1792 e voe bodet gant parrezioù bihan all a oa tro-dro da abati Itron-Varia Vear, Bodlezan, Trezelan, Sant-Norvez ha Lanneven, e parrez Bear. D'ar 26 a viz Mae 1793 e voe bodet an holl gumunioù bihan-se da vont d'ober ur gumun vras ha nevez, Bear[1].
Monumantoù ha traoù heverk
Iliz katolik Santez Jenovefa, XVIvet-XVIIvet kantvedoù.