"palefarzhet; ouzh 1 en gul e dri tour-iliz en aour, an hini kreiz hebiaet gant daou bihanoc'h; ouzh 2 en argant e ziv dreustell kommek en glazur; ouzh 3, geotet e sourin en argant karget gant teir brizhenn erminig; ouzh 4 en gul e deir danvoezenn en aour"

Brezhoneg

Klasoù divyezhek a zo eno abaoe 2000.
E distro-skol 2022 e oa 41 skoliad enskrivet er c'hlasoù divyezhek (27,7 % eus skolidi ar gumun evit a sell ouzh ar c'hentañ derez)^[3].

Istor

Melestradurezh: krouet e voe kumun Gwegon e 1790. Gant al lezenn eus an 23 a viz Eost 1790 e voe lakaet da benn ur c'hanton, hini Gwegon, gant teir c'humun ennañ: Gwegon, Killi ha Sant-Servant-an-Oud; e Bann Josilin edo. Diskaret e voe kanton Gwegon ha lakaet Gwegon e Kanton Josilin, bet miret ha brasaet gant lezenn an 8 pluviôse an IX (28 a viz Genver 1801), dezhi an titl loi portant réduction du nombre de justices de paix. Lakaet e oa bet Gwegon en Arondisamant Ploermael bet krouet e 1800^[4]^,^[5].
Dekred eus ar 26 a viz Du 1790 war al le ret: embannet e voe bout mennet da nac'h al le ouzh ar Roue, ar vro hag al lezennoù gant ar person, Julien Gicquello e anv, ar c'hure Merlet, hag ur beleg, Gandon e anv, eus parrez Gwegon ha gant Guillaume Orio, kure trev Tregaranteg^[6]. Evit bout nac'het touiñ e 1791 e voe bac'het Julien Giquello e Gwened, dre ma oa triugentvloaziat; distreiñ a reas d'e barrez goude an Emglev etre ar Pab Pi VII ha Bonaparte e 1801; Guillaume Orio a nac'has touiñ memes mod, bac'het e voe e Porzh-Loeiz e 1792 a-raok bout kaset en harlu da Spagn. L.-F. Vandergracht, priol-person Koed-Bugad, a douas al le e penn-kentañ 1791 ha d'an 3 a viz Meurzh e voe dilennet person touer e Mozhon^[7].
Trubuilhoù: un emgann a voe etre Gwegoniz ha Republikaned Josilin e 1792, hanter-hent etre an div vourc'h^[8].

Brezel-bed kentañ: 149 gwaz eus ar gumun a gollas o buhez abalamour d'ar brezel, d.l.e. 3,84 % eus he foblañs e 1911^[9].
Eil Brezel-bed:
- daou harz-lammour gall SAS, ar re-mañ e-pad un emgannig, ha tri den eus ar gumun a voe lazhet gant an Alamaned d'an 20 a viz Even 1944^[10];
- mervel a reas 15 den abalamour d'ar brezel^[11].

Niver a annezidi

Mare		Anv	Strollad	Karg
Roll maered ar gumun
	→ bremañ
2014	Eost 2015	Jean-Marc Dubot^[12]^,^[13]^,^[14]
1983	2014	Joseph Samson		Kloareg-noter, Kuzulier-departamant (abaoe 1998)
1959	1983	Yves du Halgouët	RI	Kuzulier-departamant, Depute (1945-1973)
1876	?	Pierre Marie Glais
1874	1876	François Olivier
1862	1874	Joseph Marie Le Floc
1852	1862	Pierre Marie Malaboeuf
1844	1852	Jacques Malaboeuf
1835	1844	Mathurin Julien Michel
1833	1835	Abel Le Floc
1830	1833	François Guillo
1802	1830	François Merlet
1802	1802	Julien Le Blays, pe Le Blaye
1800	1802	Thomassin
1797	1800	Pierre Gicquel
1793	1797	Pierre Geffray
1793	1793	Trévalinet
1793	1793	François Le Blanc
N'eo ket anavezet c'hoazh an holl fedoù.

Julien Le Blaye, pe Le Blaye, noter ha prokulor e Gwegon, merour e Bann Josilin e 1790, bet dilennet da Lez-Varn ar bann e 1792, brogarour mat ha gredus hervez Prieur de la Marne; dilezel a reas e garg a varnour evit mont da verour ar bann d'ar 14 nivôse an II (3 a viz Genver1794). Da c'houde e voe maer e Josilin ha klask a reas mont da varnour a beoc'h e 1807^[15].
Abad Henri Glllard, ganet er bloaz 1901, anvet person Trec'horanteg e 1942. En deus graet adsevel eno iliz santez Onenn, o klinkañ gant gwerennoù-livet ha tresadennoù awenet diwar mojenn ar Roue Arzhur.

	d'Avaugour, Aotrounez Kelenn	En argant e gab en gul

Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
Jean-Yves LE MOING : Les noms de lieux bretons de Haute Bretagne. Coop Breizh. 1990
Erwan VALLERIE : Diazezoù studi istorel an anvioù-parrez * Corpus * Traité de toponymie historique de la Bretagne. An Here. 1995

↑ Dilennadegoù bet nulaet e miz Eost 2015 ouest-france.fr
↑ Roadennoù ofisiel e lec'hienn an EBSSA
↑ Distro-skol ar c’helenn divyezhek
↑ Cassini - EHESS - Gwegon - Fichenn ar gumun
↑ Robert Bouvier, Bernard Le Montagner, Alain Revoy ha Dominique Reynaud, Histoire de la Poste dans le Morbihan, Embannadurioù Liv'Editions, Ar Faoued, 2006, pajennoù 115, 314 ha 363
↑ Sinet e voe an destenn gante, daoust d'ar barrez bout en eskopti Gwened; Adhésion de Messieurs les Recteurs, Curés et autres ecclésiastiques du diocèse de Saint-Malo, en Bretagne, A l'exposition des principes sur la Constitution du Clergé, adressée à MM. les Evêques députés à l'Assemblée nationale, Imprimerie de Crapart, place Saint-Michel, Pariz, Bro-C'hall, pajenn 11
↑ infobretagne Joseph-Marie Le Mené, "Histoire des paroisses du diocèse de Vannes", Gwened, 1891
↑ infobretagne Joseph-Marie Le Mené, "Histoire des paroisses du diocèse de Vannes", Gwened, 1891
↑ memorialgenweb - Monumant ar re varv
↑ René Le Guénic, Morbihan - Mémorial de la Résistance, 1998, pajennn 65
↑ memorialgenweb - Monumant ar re varv
↑ Eilpennet disoc'h ar votadegoù gant Lez-varn velestradurel Roazhon maville.com
↑ met savet ur reked dirak ar C'huzul-stad Ouest-France, d'ar 6 a viz Even 2014
↑ ha nulaet an dilennadegoù gant ar C'huzul-stad e miz Eost 2015 ouest-france.fr
↑ Jean-Louis Debauve, La Justice révolutionnaire dans le Morbihan, e ti an aozer, Pariz, 1965, pajenn 83

Rummadoù