Reizh pe jener | paotr |
---|---|
Bro ar geodedouriezh | Frañs |
Anv e yezh-vamm an den | Donatien Laurent |
Anv ganedigezh | Donatien Raymond Marie Laurent |
Anv-bihan | Donatien, Raymond, Marie |
Anv-familh | Laurent |
Deiziad ganedigezh | 27 Gwe 1935 |
Lec'h ganedigezh | Belfort |
Deiziad ar marv | 24 Meu 2020 |
Lec'h ar marv | Brest |
Tad | Pierre Laurent |
Breur pe c'hoar | Loeiz Laurent, Tanguy Laurent, c'hoar |
Yezhoù komzet pe skrivet | galleg, brezhoneg |
Micher | yezhoniour, ethnomusicologist, Ethnologue |
Tachenn labour | brezhoneg |
Implijer | Kreizenn an Enklaskoù Breizhek ha Keltiek |
Karg | rener |
Bet war ar studi e | Paris Descartes University, skol-veur Breizh-Izel |
Diplom skol-veur | doktorelezh e Frañs |
Rener tezenn | André Leroi-Gourhan |
Danvez-doktor | Yves Guilcher |
Benveg sonerezh | binioù |
Diellaouet gant | Kreizenn an Enklaskoù Breizhek ha Keltiek |
Ezel eus | Bagad Bleimor |
Prizioù resevet | Urzh an Erminig |
Donatien Laurent a zo un etnologour, ur yezhoniour hag ur sonaozour breizhat, bet ganet e Belfort (Bro-C'hall) d'ar 27 a viz Gwengolo 1935 ha marvet d'ar 25 a viz Meurzh 2020[1]. Labourioù enklask en graet diwar-benn ar c'hanaouennoù hengounel e brezhoneg ha war ar mojennouriezh keltiek. A wezhoù e vez graet Donasian Laorañs eus outañ.
Eus Penn-ar-Bed e oa e dad hag e vamm, ur vuzisianez, a oa bet ganet e Bro-Naoned. Ur stourmer evit ar brezhoneg e oa ivez e dad Pierre Laurent.
Pa oa ur c'hrennard o chom e Pariz gant e familh en deus dizoloet Breizh hag ar mor e ti-vakañsoù e dud e Konk-Leon. Gant e dad en deus darempredet kreizenn sevenadurel Ker-Vreizh hag eno en deus heuliet kentelioù brezhoneg. Desket en deus seniñ ar binioù bras gant ar Bagad Bleimor, adal 1949, ha eo aet da vezañ ar penn-soner. Gant Herri Leon (lesanvet La Pie, i. e. Ar Big), soner ken ampart hag-eñ e ya da Enez Skye, e Bro-Skos, e 1956, evit ober studioù uhel war ar binioù bras. Ar testeni kentañ a voe bet roet dezho. Ur reveulzi war an doare mestroniañ ar binioù bras a degasjont pa oent deuet en-dro, ken e voe cheu e-barzh Bodadeg ar Sonerion. Pa voe krouet ur skol sonerezh, Scolaich Beg an Treis, e Porspoder ec'h aozas pezhioù-sonerezh evit ar biniou bras.
E-pad an hañv 1956 e reas enrolladennoù un nebeud tud brezhoneger e Konk Leon, met, e 1957, e oe lavaret dezhañ ne c'hello heuliañ studioù er skolioù-meur ebet pa oa bet nammet diwar un gwallzarvoud [2]. Heuliañ a reas kentelioù frank an aotreegezh war an etnologouriezh e SKol-Veur Pariz-La Sorbonne. Pelloc'h e kejas gant Jean-Michel Guilcher a anavezas evel e vestr skouer pa krogas gant enklaskoù war an dachenn.
Pa voe André Leroi-Gourhan, pennkelenner an aotreegezh, hemañ a ginnigas da z-Donatien Laurent kemer perzh en enklask war an dachenn a voe e Plozeved e 1959.
Dalc'het en deus Donatien Laurent ul labour a-bouez diwar-benn al lennegezh dre gomz, o tastum ha studiañ gwerzioù ; brudet eo evit bezañ bet fiziet ennañ karnedoù Kervarker. Rener enklaskoù er C.N.R.S. e Pariz (Centre National de la Recherche Scientifique pe Greizenn Vroadel an Imbourc'h Skiantel) e oa. Rener ar Greizenn enklask diwar-benn Breizh hag ar broioù keltiek e Skol-Veur Brest e oa bet e-pad 12 bloavezh.
Aet e oa bet kolier an Erminig gantañ e 2010.
D'ul liorzhig e Lokorn eo bet roet anv Donatien Laurent[3].
d==Liammoù diavaez==