Dinan
Ar porzh war ar Renk.
Anv gallaoueg	Dinan
Anv gallek (ofisiel)	Dinan
Bro istorel	Bro-Sant-Maloù
Melestradurezh
Departamant	Aodoù-an-Arvor
Arondisamant	Dinan (isprefeti)
Kanton	Dinan (pennlec'h)
Kod kumun	22050
Kod post	22100
Maer Amzer gefridi	Didier Lechien 2020-2026
Etrekumuniezh	Dinan Tolpad-kêrioù (sez)
Bro velestradurel	Bro Dinan
Lec'hienn web	http://www.dinan.fr
Poblañsouriezh
Poblañs	14 682 ann. (2020)[1]
Stankter	1 686 ann./km²
Douaroniezh
Daveennoù lec'hiañ	48° 27′ 23″ Norzh 2° 02′ 56″ Kornôg / 48.4563888888889, -2.048888888889
Uhelderioù	kreiz-kêr : 76 m bihanañ 7 m — brasañ 132 m
Gorread	8,71 km²
Dinan
kemmañ

Muioc'h a restroù diwar-benn

Dinan

a vo kavet e Wikimedia Commons.

Dinan zo ur gêr e Bro Sant-Maloù, ur gumun e departamant Aodoù-an-Arvor, e norzh Breizh; pennlec'h Arondisamant Dinan eo ha hini kanton Dinan.

Kresket eo bet ar gumun d'ar 1añ a viz Genver 2018 goude bezañ bodet gant Lehon^[2].

Douaroniezh

• War lez ar stêr Renk emañ Dinan.

Kumunioù amezek

	Kever, Taden	Taden	Taden
	Kever	N	Renk, Lanvalae
		K    Dinan    R
		S
	Kever, Trelivan, Lehon	Lehon, Sant-Karneg	Sant-Karneg, Lanvalae

Anv

• Erwan Vallerie ː Dignanno, c 1120; Dinam, 1167, 1181; Dignan, 1198; Dinam, 1249; Seint Mallou de Dinan, 1256; Dynam, 1297; Dynain, 1306; Dynam, 1326, 1366; Dinimium, 1452; Dinan, XVI^vet kantved; Dinant, 1566.

Gerdarzh

Galianeg dunon "kreñvlec'h" → henvrezhoneg din heñvelster + lostger bihanaer -an^[3].

Ardamezioù

En gul e gastell en aour leinet gant teir zourigan; e gab en erminoù.

• Hervez siell Charlez Dinan (1370)
• Hervez d'Hozier (1697): tri c'hastell

Istor

Dispac'h Gall

• 1790: gant lezenn ar 26 a viz C'hwevrer e voe lakaet Dinan da benn ur bann^[4].
• Dekred eus ar 26 a viz Du 1790 war al le ret : embannet e voe bout mennet da nac'h al le ouzh ar Roue, ar vro hag al lezennoù gant Le Tulle, person, ha Le Sénéchal, vikel parrez Sant Maloù ha gant Carron, person, ha Buret, vikel parrez ar Salver, mui un abad, du Chastel, ur c'helenner doueoniezh, De Rouillac, hag eizh beleg arall, Puelle, Urot, Plesse de Saint-Mirel, Burel, Bertier, Manet, Le Coq ha Girard^[5].

XIX^vet kantved

• 1879 : kas a reas an hent-houarn (linenn Lison-Lambal) betek Dinan.

XX^vet kantved

Brezel-bed kentañ

• Mervel a reas 248 gwaz abalamour d'ar brezel hervez monumant ar re varv, eleze 2,17 % ag ar boblañs hervez an niveradeg bet graet e 1911^[6].

Eil brezel-bed

• Miz Eost 1944: bombezet ha kanoliataet e voe Dinan d'an 2 gant lu SUA^[7]. Lazhet e voe ur pomper^[8]. Dieubet e voe Dinan d'ar 6 gant ar 6th Armored Division eus lu SUA^[9].
• Mervel a reas 33 den ag ar gumun abalamour d'ar brezel^[10].

Brezelioù didrevadennañ

Brezel Indez-Sina

• Mervel a reas nav soudard ag ar gumun.

Brezel Aljeria

• Mervel a reas eizh soudard ag ar gumun.

Film

• E Dinan, e kêr hag er c'hastell, e voe troet ar film Du Guesclin gant ar filmaozour gall Bernard de Latour, e-pad ur pemzektez e 1948.

Sport

Mell-droad

• E 1903 e voe krouet ar Stade Dinannais AC, an eil kleub mell-droad koshañ en departamant. E 2003 avat e voe unvanet gant hini kêr Lehon : e mod se e voe krouet Dinan-Léhon FC.

Marc'hhouarnerezh (Tro Bro-C'hall)

• 23 a viz Mezheven 1927 : 5vet tennad-hent Tro Bro-C'hall etre Cherbourg (Manche) ha Dinan (a-benn d'an eur) ; trec'h eo ar Breizhad Ferdinand Le Drogo.
• 24 a viz Mezheven 1927 : 6vet tennad-hent Tro Bro-C'hall etre Dinan ha Brest (a-benn d'an eur) ; trec'h eo André Leducq.
• 19 a viz Mezheven 1928 : 3^e tennad-hent Tro Bro-C'hall etre Cherbourg (Manche) ha Dinan (a-benn d'an eur) ; trec'h eo Gaston Rebry (Belgia).
• 20 a viz Mezheven 1928 : 4^e tennad-hent Tro Bro-C'hall etre Dinan ha Brest (a-benn d'an eur) ; trec'h eo Pé Verhaegen (Belgia).
• 2 a viz Gouere 1929 : 3^e tennad-hent Tro Bro-C'hall etre Cherbourg (Manche) ha Dinan ; trec'h eo Omer Taverne (Belgia).
• 3 a viz Gouere 1929 : 4^e tennad-hent Tro Bro-C'hall etre Dinan ha Brest ; trec'h eo Louis Delannoy (Belgia).
• 3 a viz Gouere 1930 : 2^l tennad-hent Tro Bro-C'hall etre Caen (Calvados) ha Dinan ; trec'h eo Learco Guerra (Italia).
• 4 a viz Gouere 1930 : 3^e tennad-hent Tro Bro-C'hall etre Dinan ha Brest ; trec'h eo Charles Pélissier.
• 1añ a viz Gouere 1931 : 2^l tennad-hent Tro Bro-C'hall etre Caen (Calvados) ha Dinan ; trec'h eo Max Bulla (Aostria).
• 2 a viz Gouere 1931 : 3^e tennad-hent Tro Bro-C'hall etre Dinan ha Brest ; trec'h eo ar Breizhad Léon Le Calvez.
• 2 a viz Gouere 1995 : 1añ tennad-hent Tro Bro-C'hall etre Dinan ha Lannuon ; trec'h eo Fabio Baldato (Italia).
• 7 a viz Gouere 2011 : loc'hañ a ra 6vet tennad-hent Tro Bro-C'hall eus Dinan war-du Lisieux (Calvados).

Brezhoneg

• E-kerzh ar bloavezhioù 1930 e votas kuzul-kêr Dinan ur gouestl evit kelenn ar brezhoneg er skolioù, diwar atiz al luskad Ar Brezoneg er Skol (ABES)^[11].
• Ur skol Diwan zo eno abaoe 2000.
• E distro-skol 2022 e oa 109 skoliad enskrivet er c'hlasoù divyezhek (7,6 % eus skolidi ar gumun evit a sell ouzh ar c'hentañ derez)^[12].

Monumantoù ha traoù heverk

• Roet eo bet al label Kêrioù ha Broioù Arz hag Istor dezhi.

• 
  An tour meur.
• 
  Tour an Dug.

• Ar c'hastell.

• 
  Iliz katolik Sant Maloù
• 
  Penniliz katolik ar Salver.

• Iliz katolik Sant Maloù ha penniliz katolik ar Salver.
• Monumant ar re varv er Blasenn Jeneral Leclerc, luc’hskeudennoù ha kartennoù-post^[13]. E miz Eost 1922 e voe dioueliet^[14].
• Plakenn ar re varv (1914-1918) en iliz katolik, luc’hskeudennoù^[15].

Poblañs

Emdroadur ar boblañs abaoe 1793

Melestradurezh

Tud

Tud bet ganet eno

• 1930 : Jean Rochefort, aktour
• 1947 : Bernard Merdrignac, istorour
• 1950 : Rémi Chauvet, Myrdhin e anv-leurenn, kaner ha telenner
• 1979 : Christophe Revel, melldroader

Tud marvet eno

• 1993 : Yvonne Jean-Haffen, arzourez

Ardamezeg ar familhoù

	Avril pe Apuril Jean, eskemmer-arc'hant e 1518; Macé, tailhanter war domani ar Roué, e Dinan En argant e gebrenn en gul karget gant teir rozenn en aour, heuliet ouzh kab gant daou penn leon en sabel, hag ouzh beg gant ur steredenn ivez en sabel
	Aubry François, letanant milis Dinan e 1696 En glazur e zaou leon penn-ouzh-penn, o skorañ ur skoedig en argant karget gant un abrikezenn c'heotet
	Le Bart Geoffroi, senesal Dinan e 1258 En glazur e leonparzh en argant

Gevelliñ

Bro	Kêr	Abaoe
Wallonia	Dinant	1960
Galiza	Lugo	1971
Bro-Saoz	Exmouth	1972

Liammoù diavaez

• (fr)Lec'hienn ti-kêr Dinan
• (br)Dinan war lec'hienn Geobreizh
• (fr)Lec'hienn ar gouel les Barocks

Levrlennadur

• (fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• (br)Erwan Vallerie : Diazezoù studi istorel an anvioù-parrez. Corpus. An Here. 1995

Notennoù ha daveoù