Cwm zo unan eus an daou anv a vez graet e kembraeg eus un draonienn pe saonenn. Dyffryn eo ar ger all, hag an daou anv a vez kavet e lec'hanvadurezh ar vro.
Koulskoude e ranker resisaat:
Cwm eo ar ger a vez graet e kreisteiz Kembre eus ar pezh zo dyffryn en hanternoz;
Y Cymoedd a vez laret eus ar saonennoù ma veze tennet glaou e kreisteiz ar vro, ha dreist-holl Cwm Rhondda, Cwm Cynon, Cwm Afan.
Met lavaret e vez Glyn en anvioù zo : Glyn-nedd, Glyn Ebwy.
En hanternoz ar vro e lavarer cwm eus ur saonenn uhel en Eryri, evel Cwm Idwal.