Un asied zo ul lestr kelc'hiek, damgleuz hogen plaen a-walc'h, e pri poazhet peurvuiañ, ma vez lakaet boued da un den da zebriñ.
Donik e vez an asied da lakaat soubenn, hogen tud zo a gav gwell ober gant ur volenn.
Graet e veze asiedoù koad ha loaioù koad gwechall. Hiziv e vez graet asiedoù e plastig, e kartoñs.
Eus un asied e vez debret gant ul loa pe ur fourchetez.
Hervez ur c'hliched kevredigezhel e plij d'ar gwragez terriñ asiedoù pa fuloront war-lerc'h o gwaz. Met ur c'hiz ivez eo an terriñ asiedoù e broioù zo: Gres, Filipinez.