Panglima Batur (1852–1905) adalah saurang pajuang panting nang umpat dalam Perang Banjar. Batur diangkat manjadi Panglima wan manjadi tangan kanan Sultan Muhammad Seman.[1] Panglima Batur baimbai lawan Sultan Muhammad Seman mamimpin patampuran imbah mangkatnya Pangeran Antasari.[2][3]
Panglima Batur diranakakan tahun 1852 di kampung Buntok Kecil, nang damini masuk Kabupatin Barito Utara. Batur saurang Islam nang taat. Abah sidin bangaran Barui, matan Bakumpai, katurunan urang hulu Benteng Bahandang Balau.
Panglima Batur mangawini Samayap binti Kimat pada tahun 1887. Sidin kawin pada usia 35 tahun, pahadangan biniannya bausia 30 tahun. Umanya Samayap binti Kimat asalnya tumatan katurunan Kapuas Kahayan, Petak Bahandang. Matan parkawinannya ini, Panglima Batur baisi saurang anak lalakian bangaran Tuwie, nang diranakakan tahun 1889 di Lanjas.[4]