Pambarasih tangan (basa Inggris: hand sanitizer) adalah cacahar nang awamnya dipakai gasan mangurangi patogen di tangan.[1] Pamakaian pambarasih tangan lawan alkuhul labih dikatujui daripada babasuh tangan mamakai sabun wan banyu di bamamacam kaadaan di tampat palayanan kawigasan.[2][3] Pambarasih tangan rancaknya tamanjur mambunuh urganisma halus wan labih ditarima ulih tangan dibandingakan sabun wan banyu.[4] Walau kaitu, babasuh tangan musti tatap digawi lamun parigatan kawa tajanak atawa imbah mamakai jamban.[5] Pambarasih tangan lawan lain alkuhul kada dianjurakan gasan dipakai sacara awam.[2] Di luar tampat layanan kawigasan, kamanjuran pamakai pambarasih tangan jadi pangganti basuh tangan kada didukung ulih bukti nang baik.[6][7] Pambarasih tangan tasadia dalam bantuk cacahar wan busa.[4]
Pambarasih tangan lawan alkuhul rancaknya manian sapalih kambuhan isopropil alkuhul, etanol (etil alkuhul), atawa n-propanol.[4] Tianan alkuhul 60 sampai 95% tabukti paling manjur.[4] Tagal, pamakaiannya musti bahati-hati marga kawa tasalukut.[2] Pambarasih tangan lawan alkuhul manjur malawan bamamacam urganisma halus, tagal kada gasan spora.[4] Sapalih janis pambarasih tangan manian sanyawa kaya gliserol gasan mancagah kulimbit karing.[4] Janis lain alkuhul kawa manian benzalkonium klorida atawa triklosan.[8][9]
Alkuhul sudah dipakai jadi antisiptik paling kada wayah pamulaan tahun 1363 lawan bukti pamakaiannya wayah warih 1800-an.[10] Pambarasih tangan lawan alkuhul sudah awam dipakai di Irupa matan tahun 1980-an.[11] Pambarasih tangan lawan alkuhul diandak dalam Daptar Tatamba Mandasar Urganisasi Kawigasan Dunia (WHO), wan marupakan tatambaan paamannya wan pmanjurnya nang diparluakan dalam sistim kawigasan.[12] Haraga iciran di nagara bakambang bakisar kikira US $ 1,40-3,70 par litar palangan.[5][13]
Gerakan Masyarakat Hidup Sehat (Germas) nang digalakakan ulih Kamantrian Kawigasan Ripublik Indunisia, mambari papadah pasal babasuh tangan. Pambarasih tangan lawan alkuhul dipadahakan wastu lamun kadada banyu wan sabun.[14]
Wayah mamakai pambarasih tangan lawan alkuhul:
Tuang pambarasih di sasabuting talapak tangan.
Gusuk kadua tangan.
Gusukakan pambarasih tangan di sabarataan pammukaan tangan wan jariji sampai mangaring.[15]
^abcBolon, MK (September 2016). "Hand Hygiene: An Update". Infectious Disease Clinics of North America. 30 (3): 591–607. doi:10.1016/j.idc.2016.04.007. PMID 27515139. In 2002, the CDC released an updated hand hygiene guideline and, for the first time, endorsed the use of alcohol-based hand rubs for the majority of clinical interactions, provided that hands are not visibly soiled
^Hirose, R; Nakaya, T; Naito, Y; Daidoji, T; Bandou, R; Inoue, K; Dohi, O; Yoshida, N; Konishi, H; Itoh, Y (18 September 2019). "Situations Leading to Reduced Effectiveness of Current Hand Hygiene against Infectious Mucus from Influenza Virus-Infected Patients". mSphere. 4 (5). doi:10.1128/mSphere.00474-19. PMID 31533996. Marga bamamacam alasan, pambarasih tangan alkuhul sasain banyak dipakai jadi diskuman daripada babasuh tangan lawan sabun wan banyu. Nyaman didapati, kada parlu banyu atawa handil pipa, wan kamanjurannya nang tabukti dalam mangurangi jumlah kuman halus adalah babarapa panyababnya.
^abWorld Health Organization (2015). The selection and use of essential medicines. Twentieth report of the WHO Expert Committee 2015 (including 19th WHO Model List of Essential Medicines and 5th WHO Model List of Essential Medicines for Children). Geneva: World Health Organization. hdl:10665/189763. ISBN9789240694941. ISSN 0512-3054. WHO technical report series ; no. 994.
^World Health Organization (2019). World Health Organization model list of essential medicines: 21st list 2019. Geneva: World Health Organization. hdl:10665/325771. WHO/MVP/EMP/IAU/2019.06. License: CC BY-NC-SA 3.0 IGO.
^"Alcohol, isopropyl". International Drug Price Indicator Guide. Diarsipkan dari versi asli tanggal 22 November 2018. Diakses tanggal 8 December 2016.