Kakhalifahan Rasyidin tu kakhalifahan Islam nang badiri sataan pang maninggal nya nabi Islam Muhammad pada tahun 632 M, hataw tahun ka-11 H. Kakhalifahan ini tadiri hatas hampat khalifah patama dalam sajarah islam, nang disabut sajadi khulafaur rasyidin. pada puncak kajayaannya, kakhalifahan rasyidin mambantang dari Jazirah Arab, sampai ke livant (wayah ini Suriah), kaukasus awan afrika utara di barat, sarta sampai ke dataran tinggi iran awan Asia Tangah di timur.[2]
Kakhalifahan Rasyidin dicirikan uleh pariode akspansi militer nang laju hatan dua puluh lima tahun nang diumpati awan pariode paselisihan internal salama lima tahun. Tantara rasyidin bajuman pang labih dari 100.000 urang pas puncak nya. Kaampat khalifah rasyidin ni dipilih awan badan pamilihan halus nang tadiri dari angguta takamuka dari konfederasi suku Quraisy nang dikiau sajafi syūrā (bahasa Arab: الشورى, translit. kunsultasi).[3]
sataan pang kamatian Nabi Islam Muhammad, para sahabat nya bamusyawarah di Saqifah Bani Saidah tantang siapa nang akan manggantikan inya dalam mamimpin nagara islam.[4] Pada awalnya, kaum anshar mausulkan Saad bin Ubadah; nang lain-nya mahandaki adanya dua pamimpin, dari muhajirin awan anshar. Abu bakar maingatkan bubuhan nya, bahwa muhammad barasal dari muhajirin, awan pangganti-nya harus barasal dari muhajirin jua; Abu bakar mausulkan antara Abu Ubaidah bin Jarrah ataw Umar bin Khattab. Tatapi, Umar maan pang mambai'at (bajanji satia) awan Abu Bakar, diikuti uleh Abu Ubaidah awan saluruh muslim nang ada disana.[5]
Pada masa kapamimpinannya, tadapat banyak nabi palsu nang kaluar, Abu bakar mangirim pasukan gasan mambasmi bubuhan nya. Tadapat pula goloŋan nang kada handak mambayar zakat, Abu bakar jua mangirim pasukan gasan mangajak bubuhan nya manunaikan zakat, apabila bubuhan nya kada handak, bubuhan nya hakan diparangi.
Abu Bakar maninggal dunia ulih sakit di rumahnya pada tahun 13 hijriyah hataw 634 masehi.[6]
Sabalum Abu bakar maninggal dunia, inya sampat bawasiat hagar manunjuk Umar bin Khattab sajadi panggantinya
Umar mamimpin kakhalifahan salama sapuluh tahun. Inya mulai manjabat pada tahun 634 sampai 644 masehi, ataw tahun 13 sampaj 23 hijriyah. Umar tu urang nang partama kali mambantuk sistem pamarintahan hislam awan manunjuk babarapa badan (diwan) nang batugas khusus di bidang susial awan pulitik.[7][8]
Pada masa kakhalifahan Umar, wilayah kakhalifahan Rasyidin samakin maluas dikarana akan akspansi militer nang dilakukan nya. Wilayah kakhalifahan maliputi saluruh Jazirah Arab, Karajaan Sasaniya, Masir, Palistina, hingga Kauskasus.
Umar dibunuh saat mamimpin shalat subuh pada 644 masehi. Inya dibunuh uleh saurang budak pirsia, Abu Lu'lu'ah.
Sataan pang maninggalnya umar, anam urang nang ditunjuk uleh umar sabalumnya bamusyawarah, siapa nang handak dijadikan khalifah sahabis umar. Hasil musyawarahnya ialah maangkat Utsman bin Affan manjadi khalifah katiga.
Utsman maninggal dunia karana dibunuh uleh pambarontak nagara hatan wayah inya mambaca al-Qur'an di rumahnya.[9]
Satan pang dibunuhnya Utsman, sapupu Muhammad, Ali bin Abi Thalib dilantik manjadi khalifah untuk maakhiri perang saudara.[10][11][12]
Ali dibunuh hatan maimami shalat subuh di kufah. anaknya, Hasan bin Ali ditunjuk sabagai pangganti samantara abahnya. Hasan lalu maadakan janji damai awan Muawiyah bin Abu Sufyan dan mambarikan kakuasaan gasan Muawiyah. Hasan lalu dibunuh, dan Muawiyah mandirikan nagara kakhalifahan kadua, Kakhalifahan Umayyah.[13]
^Coeli Fitzpatrick, Adam Hani Walker Muhammad in History, Thought, and Culture: An Encyclopedia of the Prophet of God (2014), p. 3 [1]Archived 2017-07-30 at the Wayback Machine
^Vidani, Peter (19 November 2012). ""Ameer al-Mu'mineen"". Umar ibn Al-Khattab (radiAllahu anhu) (dalam bahasa Inggris). Diakses tanggal 2021-08-17.
Vaglieri, Laura Veccia (1977). "The Patriarchal and Umayyad caliphates". Dalam Holt, P. M.; Lambton, Ann K. S.; Lewis, Bernard. The Cambridge History of Islam Volume 1A: The Central Islamic Lands from Pre-Islamic Times to the First World War. Cambridge University Press. hlm. 57–103. doi:10.1017/CHOL9780521219464.005. ISBN9780521219464.
Hinds, Martin (October 1972). "The Murder of the Caliph Uthman". International Journal of Middle East Studies. 13 (4): 450–469. doi:10.1017/S0020743800025216. JSTOR 162492.Pemeliharaan CS1: Tanggal dan tahun (link)
Shah-Kazemi, Reza(2014). "Ali ibn Abi Talib (599-661)".Muhammad in History, Thought, and Culture: An Encyclopedia of the Prophet of God.ABC-CLIO.20–24.
Tabatabai, Muhammad Husayn (1979). Shi'ite Islam. Diterjemahkan oleh Seyyed Hossein Nasr. Suny press. ISBN978-0-87395-272-9.
Veccia Vaglieri, Laura (1970). "The Patriarchal and Umayyad Caliphates". Dalam Holt, Peter M.; Lambton, Ann K.S.; Lewis, Bernard. The Cambridge History of Islam. 1. Cambridge University Press. hlm. 57–103.