Hirang[1][2] atawa itam[3][4][5] , dalam dipinisi idial adalah riprisintasi kahadacungulan sasadikit haja gin warna/kalir atawa hindau/cahaya di dalam sabuah ruang kadap. Dalam putugarapi, hal ngini ba'arti kahadamampuan pilim atawa sinsur manangkap cahaya marga intinsitas panyalukutan talalu randah. Hal ngini kawa dicapai lawan cara manggawi pangukuran under exposure dalam pamakaian pa'ukur cahaya.
Dalam barandak kabudayaan, hirang rancak diasusias'akan sabagai hal nang kada baik, pariannya istilah ilmu hirang (parangmaya) atawa kadap mata ("parigal kada balampu"). Tagal tahaba jua pangaruh baik matan pamakaian hirang kaya manampai'akan katagasan.
Hirang gin basipat nahap, jadinya kada nyaman dirigati warna lain. Cahaya nang takana bidang hirang cundai tasarap maksimal.
Warna hirang adalah warna nang liwar duminan tagal kawa jua bamakna kakadapan.
Hirang adalah satandar panulisan hurup di atas karatas putih. Marga napa am tintah hirang rancak dijual bapisah ulih parudusin pacitak, marga labih rancak bakarik daipada warna lain.
Hirang gin dipakai gasan manaikakan nilai warna dalam sistam warna parusis CMYK. Panambahan hirang digawi rasuk parsintasi nang dikahandaki.
Dalam sani rupa, hirang rancak dipakai dalam panyurungan karya, marga hirang nang ditatai lawan warna nang lain kawa manguati kasan warna ngitu tadi. Salain ngitu hirang rancak dipakai gasan cat rumah nang lawan cara bujur kada bulih mamantulakan cahaya, pariannya kamar kadap putugarapi atawa biuskup.