Si Julian O. Ocampo (1 Peb. 1880- ? ) sarong madunong na abogado asin saro sa nagin Gobernador kan Camarines Sur. Nagtukaw siya sa pwesto nin duwang beses, enot kan taon 1919 abot 1922. An ikaduwang tukaw niya poon 1934 songdô 1935. Kaamayan pa kaini, siya nagkapot kan kargo komo Diputado kan Ambos Camarines kan taon 1912 asta 1916.
Siya namundag sa Nabua, Camarines Sur asin an saiyang mga magurang iyo sinda Eugenio Ocampo asin Juliana Oleta. An naagom niya iyo si Amparo Enrile. Nag'adal siya asin naggraduar sa Liceo de Manila na nakamit an Bachiller en Leyes.
Nin huli sa serbisyo niya, an sarong banwaan, an banwaan nin Matobato, Camarines Sur ipigpangaran saiya kan Agosto 13, 1949. Siring man, komo sarong prominenteng Mason na nagtaong maray na serbisyo sa banwaan kan panahon niya, an binilog na grupo nin mga mason sa Iriga kan Pebrero 22, 1958 ipinagpangaran man saiya, an Julian Ocampo Memorial Lodge No. 146 F. & A.M., Iriga City.
Mga panluwas na takod
[baguhon | baguhon an source]- Mga gobernador kan Camarines Sur- [1]
- Kaapil sa mga mason- [2] Archived 2007-07-25 at the Wayback Machine.
- Opisyal na websayt kan Ocampo, Camarines Sur- [3]
Ginunoan
[baguhon | baguhon an source]- Retrato asin hayokong na istorya kan buhay, sinapi sa: The Bicol Region Directory. Commonwealth Press, Inc. Publ. Valentin de Niña Lazarte. 1936. p. 215.
