An Islang Falkland (Espanyol: Islas Malvinas) mga arkipelago sa Dagat Atlantikong Habagatan, na namomogtak sa rayong 250 milya nautiko sa kosa kan Amerikang Habagatan. An arkipelago binibilog kan Falkland Subangan, Falkland Solnopan asin 776 pang mga saradit na isla asin ini nagsasadiring gobyerno y konsideradong parte kan inapod na British Overseas Teritory. An kabesera kani iyo an Stanley na makukua sa Falkland Subangan.
An Argentina sagkod ngonyan poon pa kan mabalik an pamomoon kan Briton kan 1833 pighihinako an mga islang ini na parte kan saiyang teritoryo. Sa pagpirit kan Argentina na sakop niya an Islang Falkland, kan 1982 pigsakyada niya an Falkland alagad sinasabi na an mga taga-isla habo man ngane magpasakop sa Argentina. Huli sa pagsakyada, nagputok an duwang-bulan na Gerang Falkland sa pag'oltan kan Argentina asin Reyno Unido. An gera nagresulta sa pagkadaog kan Argentina asin napatalsik kan Briton an saiyang pwersa sa isla.
An Falkland ngonyan nag'aagi sa makusog na pagtalubo kan ekonomiya kaini, orog na sa lado nin pagsisira asin turismo.