Oskars - JAV kina ė mena akademėjės (Academy of Motion Pictures Arts and Sciences) nu 1929 m. iteikams prestižiškiausis svietė apdovėnuojėms, skėrts kinou. Kinā vertėnamė vagol vaidīb', režėsūr, garsa efektus ė kėtkū.
Pats oskara prėzos īr ~ 35 cm aukštė, dvėdešimt keturiū karatū auksa paauksouta statolēl'. Ana sver aplė keturis kiluogramus.
Istuorėjė
Pėrmuoji Oskaru teikėma ceremuonėjė vīko 1929 m. gegožė 16 d., Holivudė. Bova išdalintė pėrmėjē apdovėnuojėmā ož geriausius kino filmus ėr vaidmenis. Anus gava 14 vīrū ėr vėina muotrėška. Prėzā bova teikamė 1927 m. ėr 1928 m. pastatītėm filmam.
1930 metās Oskara premiju iteikėma ceremuonėjė pėrm kart bova transliouta per radėj, vuo 1953 m. per televizėj.
Oskarū apdovėanuojėmā
Šėndėi Oskara apdovėnuojėmā īr skįramė 25 kateguorijuos:
- Geriausis metū films − nu 1928 (Best Picture)
- Geriausis režisierios − nu 1928 (Best Director)
- Geriausis artists − nu 1928 (Best Actor)
- Geriausia artistė − nu 1928 (Best Actress)
- Geriausis ontra plana artists − nu 1936 (Best Supporting Actor)
- Geriausia ontra plana artistė − nu 1936 (Best Supporting Actress)
- Geriausis originalos scenarėjos − nu 1940 (Best Original Screenplay)
- Geriausis adaptouts scenarėjos − nu 1928 (Best Adapted Screenplay)
- Geriausis anėmacinis films − nu 2001 (Best Animated Feature)
- Geriausis meninis apipavėdalėnėms − nu 1928 (Best Art Direction)
- Geriausia kinematografėjė − nu 1928 (Best Cinematography)
- Geriausis kuostiumu dėzains − nu 1948 (Best Costume Design)
- Geriausis dokumėntinis films − nu 1943 (Best Documentary Feature)
- Geriausis trumpametražis dokumėntinis films − nu 1941 (Best Documentary Short Subject)
- Geriausis montažos − nu 1935 (Best Film Editing)
- Geriausis užsiene films − nuo 1947 (Best Foreign Language Film)
- Geriausis grėms − nu 1981 (Best Makeup)
- Geriausia daina − nu 1934 (Best Original Song)
- Geriausia mozėka − nu 1934 (Best Original Score)
- Geriausis trumpametražis anėmacinis films − nu 1931 (Best Animated Short Film)
- Geriausis trumpametražis meninis films − nu 1931 (Best Live Action Short Film)
- Geriausi garsa efektā − nu 1930 (Best Sound Mixing)
- Geriausis garsa montažos − nu 1963 (Best Sound Editing)
- Geriausi vaizda efektā − nu 1939 (Best Visual Effects)
