Der Artikl is im Dialekt Obaboarisch gschriem worn. |
Wikipedia | |
---|---|
de.wikipedia.org (deitschsprochige Version) www.wikipedia.org (Iwasicht iwa olle Sprochn) | |
Motto | De freie Enzyklopedie |
Kommerziäi | nein |
Beschreiwung | Wiki vo ana frein kollektiv eastejdn Online-Enzyklopedie |
Registriarung | optionoi |
Sprochn | uma 260 |
Eigndima | Wikimedia Foundation |
Urheba | ogmejdde und ned ogmejdde Autorn |
Aussakema | 15. Jenna 2001 |
Wikipedia is a freie Enzyklopedie im Internetz. Se wead in meahrare Sprochn vo Haffn Freiwilling gschriem. Da Begriff setzd se zamm aus „Wiki“, des is des Programm mid dem jeda im Internetz entsprechnde Seitn wia d' Wikipedia vaändan ko (des Woat kimmt aus Hawaii und hoassd "schnej") und de letzdn Buachstobn vo Encyclopedia, am englischn Woat fia Enzyklopedie.
As bsondane on da Wikipedia is, doss a jeda dro midschreim deaf. So gseng ghean de Artikl nemmads und a jeda deafs frei nutzn, solong a se on de GNU-Lizenz fia freie Dokumentation hoid.
Ois Gebuatsstund vo da Wikipedia guid da 15. Jenna 2001, do is de Domene wikipedia.com online gonga. 3 Monad spada, om 15. Meaz hod da Jimmy Wales, da Grinda vo da Wikipedia, d Idee ghod, de Wikipedia aa in ondare Sprochn z' mocha. Ois easchts is de deitsche und de franzesische Wikipedia grindd worn. Owa scho om End vo 2001 hods es in 18 vaschiedane Sprochn gem. Om 20. Juni 2003 is de Wikimedia Foundation grindd worn, de Non-Profit Organisation kimmad se um de Wikipedia und um de ondan Projekte. Middlawei gibds de Wikipedia in iwa 260 Sprochn und s'gibd meah ois 40.000.000 Artikl.
Wikibooks: Wikipedia-Leabuach – eppas zum Lerna und Lehra. |
Wikibooks | Wikimedia Commons | Wikipedia | Wikiquote | Wikisource | Wikispecies | Wikiversity | Wiktionary | Wikinews |