Volleyboi is a Teamspoat, wo zwoa Moschoftn gengananda spuin. Jede Moschoft hod 6 Spuia, de wo vom Gegna duach a Netz trennd san. Dobei is de oware Kantn vom Netz bei de Maunna in 2,43 m Häh, bei de Weiwa sans 2,24 m und beí oana gmischdn Partie sans 2,35 m iwa da Eadn (fian Nochwux gibds a no ondare Häh).
Zui is's, 'n Boi iwas Netz ins gegnarische Spuifejd z schlong. Da Gegna muass as Gleiche vasuacha. Wann eam des ned glingd, gibds an Punkt.
Gspuid wead in easchta Linie mid de Hend. Da Boi deaf owa mid olle Keapatei beriahd wean.