A Jogldisch is a traditioneja Stubndisch. Ea is moast aus Fichtn-, Roudfeahn- oda Roudbuachahoiz gmocht.
Unta da Dischploddn vom Jogldisch gibts a Broudladl, a Bsteckladl und hoamli Fächa, de wosd eascht siagst, wensd de Dischploddn weggaschiabst. Iwan Bodn gibts no a Vagejtsgod-Leistn. So muaß ma de Fiaß ned aufn koidn Bodn setzn. Dazua hod ma zun Dischgebet do drauf knian kina.
Da Jogldisch kimt uaspringle aus da Steiamoak, aus da Gegad, de wo ma Joglland hoaßt. Ea is scho im 12. Joahundat zun easchtn Moi dokumentiad. As Woat kimmt woascheinle vom Nam Jakob, wo im Boarischn Jackl oda Joggl hoasst.
Friacha wo da Jogldisch da Middlpunkt vom Lem am Bauanhof. Do is kocht, gessen, gfeiad, gredt und vahandld woan.
Heit san Jogldisch recht teia, sowoi ois gfrogte Antiquitet ois wiara ois Neifeatigung duach an Dischla. Jogldisch san teiweis wieda im Trend, weis urig und praktisch san und ewig hoidn.