A Jingle (engl.: jingle = "Bimmeln, Klimpan") is a kuaze, eihprägsome Tonfoige oda Melodie. Se is a akustischs Eakennungsmeakmoi vo am Heafunk- oda Fernsehsenda, vo oana Sendung oda vo oam bewoabna Produkt. Ondane Begriffe san Sound- oda Audio-Logo. Jingles und ondane Geraische kena ois Heamarkn gschitzt wean.
Jingle-Foamen
Es gibt ba de Jingles koa eihheitliche Terminologie, owa es wead zwischn untaschiedlichn Foamen untaschiedn:
- Backtimer: Instrumental, ois Lücknfülla
- Bumper/Opener: kuazes Jingle zua Eaeffnung vo oana Sendung
- Claim: Moastns da Sendanom und a gsungana Slogan
- Closer/Stinger: Jingle zum Beendn vo oana Moderation oda vo oam Musikbett
- Donut: A Musikbett, wo am Ofang und am End a gsungane oda gsprochane Kennung stähd
- Drop-In: wenn weahnd am Liadl a Text gsprocha wead; aa ois Shout (gruafa) oda Whisper (gflistat)
- Funjingle: a Jingle mid oana Pointn oda oam witzign Soundeffekt
- Hookcollage: Zammastellung vo mehranan Hooklines, wo fia an Senda charaktaristisch san
- Hookpromo: da Tei vo am Liadl, wo ma des Liadl sofoat eakennt
- Musikbett/Modbed: instrumentale, oft Untalegemusi mid Loops fia gsprochanen Text
- Promo: Jingle zua sendaeignen Weabung, wo z. B. bei Gwinnspuin oda da Okindigung vo Konzertn eigspuit wead
- Ramp: Musikbett, af des wo a gsungane oda gsprochane Kennung foigt
- Servicejingle: ARI-Signoi, z. B. Piepton fia Vakeahsmejdunga oda Nochrichtnjingle
- Shotgun: kuazes prägnants Jingle
- Showopener: eaeffnet a bstimmte Sendung
- Tag: gsungane oda gsprochane Kennung, wo a Musikbett vo oana bstimmtn Läng foigt
- Trailer: ähnli wia Promo, owa mehra mid Bezug zu programmeiganen Sendunga
- Transition: Vabindungselement fia Musiktitl vo untaschiedlichn Tempi, Intensitätn oda Genres fia sonfte Iwagäng zwischn Musiktitln