A Hoibinsl (dt.: Halbinsel) is a in oam Gwässa liengde, aa bei Flut iwa den Wossaspiagl hinausrongde Londmasse, de iwawiengd, owa ned voiständig vo Wossa umgem is, sondan no iwa a natialiche Vabindung zum Festlond vafuigt.[1]
Hoibinsln kenna a Fläch vo bis zu meahran Milliona Quadratkilometa hom, wia beispuisweis Italien oda de Iberische Hoibinsl,[2] owa aa so kloa sei, doss iah Broatn sowia iah Läng (de in olla Regl de Broatn iwatrifft) nua wenige hundad Meta betrogt.
Erscheinungsfoama
A Foam vo da Hoibinsl san de Londzunga und de afgspuijte bsondas schmole Nehrung. Liegt a Hoibinsl in oamBinnengwassa (See, Fluss) spricht ma aa vo ana „Binnenhoibinsl“.
Obgrenzung zwischn Insln und Hoibinsln
As deitsche Woat Hoibinsl is ois Lehniwasetzung vom ischn Woat peninsula entstondn, des weatli iwasetzt „Fostinsl“ bedeitt.[1] Da lateinische Ausdruck is insbsondare duach de englische Sproch (Peninsula), spanische Sproch (Península) sowia franzesische Sproch (Péninsule) heit weitahi stoak vabroatt.
Hoibinsln san haifig ehemolige Insln, de duach Valondunga a Vabindung zum Festlond eahoitn hom, beispuisweis Gibraltar und de Krim[2] Umkeaht ko's aa dozua kemma, doss a Hoibinsl im Sprochgebrauch zua Insl eakleat werd, do se im Lauf vo da Zeid a entsprechnde Wossaloga eahoitn hod; vgl. Insl Neuenhagen.
De dreiseitige Umgebung vo Wossa und de Vabindung zum Festlond san bei Hoibinsln zmeist vo natialichn Uasprung. Kinstliche Bauweake wia etwa Kanäle, de a natialiche Hoibinsl vom Festlond obtrenna, mochn diese im Sprochgebrauch ned zwingndaweis zua Insl. A Beispui hiafia is Peloponnes wejchs trotz m Kanoi vo Korinth nua ois Hoibinsl guit. Gleichs guit fia Jütland, trotz'm Noad-Ostsee-Kanoi.[2] A Gengbeispui is Samosir, uaspringli a Hoibinsl, is se eascht duach oan Kanoi zua Insl worn. Iwa des hinaus gibt's aa kinstliche Insln, wia de Donauinsl, de duach kinstliche Wossalaife entstondn san.
Bruckn oda kinstliche Dämme, de a Insl mid'm Festlond dauahoft vabindn, mocha diese gwehnli ned zua Hoibinsl. So guit Sylt trotz Hindenburgdamm zua Gstod ois a Insl.
Eihwirkunga vom Menschn, duach de a Insl mid'm Festlond vabundn worn san, de in Vagessnheit grotn san, kenna dazua fiahn, doss a ehemolige Insl im Lauf vo da Zeid im Sprochgebrauch ois Hoibinsl eihgstuaft werd. So werd des zwischn Rostock und Stralsund glengne Fischland-Darß-Zingst heitz'dog ois Hoibinsel ogseng, obwoih se friaha a Insl(-kettn) woa. Trotzdem werd se ois Insl ogseng. Aa Holnis, a uaspringliche Insl on da Ostsee, guit heit ois Hoibinsl.
Aa af Inseln ko's Hoibinsln gem. Beispui san Hoibinsln af Großbritannien und Irland. Sejbst Hoibinseln kenna iahraseits Hoibinsln hom und aa diese wiedarum weitane Hoibinsln. Beispui: Jütland-Djursland-Mols.