Da Hans Magnus Enzensberger (* 11. Novemba 1929 z Kaufbeiren; † 24. Novemba 2022 z Minga) woar a bayerischa Dichda, Schriftsteja, Herausgeba, Ibasetza und Redakteur. Ea hod oanzlne Biacha unta de Pseudonyme Andreas Thalmayr, Linda Quilt, Elisabeth Ambras und Serenus M. Brezengang publiziat. Da Enzensberger hod in Minga-Schwabing glebt.
Im Meaz 2009 hods Deutsche Literaturarchiv z Marbach a Symposium iban Enzensberger oghoidn: „Hans Magnus Enzensberger und die Ideengeschichte der Bundesrepublik“.[1] Noch da Dogung hods deitsche Feuilleton de haifign Positionswexl vom Enzensberger eha woiwollend und vastendnisvoi beurteit.[2] S „habituelle Hokenschlogn“ (FAZ) oda sein „Zickzackkurs“ (FR) waradn ois Ironie, friahe Postmoderne und prinzipieje Zuastimmungsvaweigarung z deitn.
Da Hans Magnus Enzensberger is z Niamberg afgwoxn. Sei Voda wor Obapostdirektor und da easchte Radiosprecha vo Bayern, sei Muada wor Eaziaharin. Da Hans hod drei Briada ghobt. Oana davo, da Ulrich Enzensberger wor Grindungsmitglied vo da legendean Kommune I z Berlin.
Ois Kind vo am Beamtn hod a in de Hitlerjugend eintretn miassn, is oba boid wieda ois Querulant ausgschlossn worn. Am End vom Kriag is a no in an Voiksstuam einzogn worn. Ea hod si oba obgsetzt und bis dahoam duachgschlogn.
Nochm Kriag hod a s Abitur gmocht und sei Famij ois Schwoarzhendla, Dolmetscha und Bar-Mo ba da Royal Air Force iba Wossa ghoidn. Spoda hod a Literatuawissnschoft und Philosophie z Erlanga, Freiburg, Hamburg und Paris (Sorbonne) studiat. 1955 hod a mit ana Orbat iba de Poetik vom Clemens Brentano promoviat.
Bis 1957 hod da Enzensberger fian Alfred Andersch ois Heafunkredakteur z Stuttgart gorbat. Und aa in de foigendn Joar san an Haffa „Radio-Essays“ entstandn, beispuisweis Die Sprache des "Spiegel"). A Sammlung davo is 1962 untam Titl Einzelheiten I und II aussakema.
Gedichte
Essays
Prosa
Drama
Kinda- und Jugendbiacha
Spruch: Hans Magnus Enzensberger – Zitat af Boarisch |
→ Dea Artikl basiad auf ara frein Ibasetzung vom säim Artike in da Wikipedia af deitsch. |