.jpg)
Da Franz Stelzhamer (* 29. November 1802 in Großpiasnham (Gmoa Pramet, Innviadl in Owaestareich); † 14. Juli 1874, Henndorf ba Soizburg) wor ein estareichischa Dichda und Novellist. Da Stelzhamer hod in owaestareichischa Mundoart in boarischa Sproch gschriem.
Ea hod z Soizburg s Gymnasium bsuacht und hed Pforra wean soin. Nacha hoda owa z Wean und Graz Rechtswissnschoft studiat, is owa nia ferti worn. Er hot se ois Lehra, Erzieher und Schauspüia a weng a Göd vadeant, is vü umadum zogn, ois "foarenda Sänga". Er woit eigantli Dichda in Hochdeitsch sei, hod owa nua im Boarischn seine Eafoige ghobt. Da Stelzhamer wor sei Lebta arm und is am 14. Juli 1874 gstorbm. Da Stelzhamerbund der Freunde oberösterreichischer Mundartdichtung (1882 z Wean grindd) is noch eahm benennt.