Der Artikl is im Dialekt Weanarisch gschriem worn. |
Fatty George (* 24. April 1927 in Wean ois Franz Georg Pressler; † 29. März 1982 in Wean) woar a österreichischa Klarinettist und Jazzmusika.
Da Fatty is nochn Kriag mit seina „Two-sound-Band“ iwa Auftritte in Offiziasklubs vo de amerikanischn Besatza bekaunt wuan. 1952 hod a des easchte „Jazz-Casino“ in Innsbruck aufgmochd, 1955 des Jazz-Casino in Wean und 1958 in Fatty´s Saloon, emfois in da Hauptstod. Schoiplottn hod a ob 1954 aufgnumman, und im ORF hod a ob 1977 sei eigane TV-Sendung ghobt: „Fatty live“.
Da Fatty hod den swingendn Mainstream Jazz in Estareich populea gmocht und is wegn seina unvawechselboan Oat vo da Synthese vo internationeun Jazz-Richtungen vo Bedeitung. Seine typischn Sounds, Rhythmen und Melodien hom eam in de 1960a-Joa zu an Spitznvatreta vom eiropäischn Jazz gmochd.