Ngusaba Bukakak wantah dresta sané kamargiang satunggil kalih warsa olih Désa Pakraman Sangsit Dangin Yeh, Kecamatan Sawan, Kabupatén Buléléng, Propinsi Bali, Indonésia. Ngusaba Bukakak sané kamargiang antuk Krama Désa Pakraman Sangsit Dangin Yeh wantah pinaka rasa suksmaning idep majeng Ida Sang Hyang Widhi Wasa sané maparagayan Ida Bhatara Wisnu. Kaluihan pamargin ngusaba bukakak puniki kakantenang saking busana sané kaanggén krama subak miwah krama adat sané ngusung bukakak. Samian pamilet sané ngusung bukakak nganggén busana mawarna barak miwah putih antuk kampuh mawarni barak, saha ring krama tiosan sané wantah pangiring kemanten, nganggén busana putih kuning.[1][2]