Paul Sorvino | |
---|---|
Vida | |
Nacimientu | Brooklyn, 13 d'abril de 1939[1] |
Nacionalidá | Estaos Xuníos |
Muerte | Jacksonville[2], 25 de xunetu de 2022[3] (83 años) |
Familia | |
Fíos/es |
Mira Sorvino Michael Sorvino |
Estudios | |
Estudios |
William Esper Studio (es) Lafayette High School (en) American Musical and Dramatic Academy (en) |
Llingües falaes |
inglés[4] italianu |
Oficiu | actor de cine, direutor de cine, actor de televisión, actor de teatru, direutor de teatru, actor de voz, actor |
Premios | |
Nominaciones | |
IMDb | nm0000649 |
Paul Anthony Sorvino (13 d'abril de 1939, Brooklyn – 25 de xunetu de 2022, Jacksonville), más conocíu como Paul Sorvino, foi un actor de televisión, cine y teatru d'Estaos Xuníos. Yera'l padre de l'actriz Mira Sorvino.
Nació y creció nel barriu de Brooklyn, Nueva York, fíu d'italoamericanos d'orixe sicilianu. La so madre, Marietta, yera ama de casa y profesora de pianu, y el so padre, Ford Sorvino, yera capataz nuna fábrica de túniques.[5] Asistió al institutu Lafayette y a l'American Musical and Dramatic Academy.[6]
Empezó la so carrera como creativu d'una axencia de publicidá. Asistió a clases de dominiu de la voz mientres dieciocho años. Mientres asistía a la American Musical and Dramatic Academy, decidió probar suerte nel teatru. Fixo'l so debú en Broadway en 1964, nel musical Bajour, y la so primer apaición nel cine foi en 1970 en Where's Poppa?.
En 1991 tomó'l papel de George Dzundza na serie de televisión Law & Order Tamién apaecía como'l padre de Bruce Willis na serie Moonlighting. Dalgunos de los sos papeles cinematográficos más relevantes son los de Paul Cicero en Goodfellas (Martin Scorsese, 1990) y Henry Kissinger en Nixon (Oliver Stone, 1995).
Fundó la Paul Sorvino Asthma Foundation, coles mires de construyir centros d'asma pa neños y adultos a lo llargo d'Estaos Xuníos.
Vivía ente Los Angeles y Gilbert (Pennsylvania), onde yera ayudante de xérif. Taba casáu con Lorraine Davis, terapeuta d'Alzheimer, y tuvo tres fíos, los trés actores: Mira, Michael y Amanda.