L'horariu de branu (tamién llamáu DST - Daylight Savings Time - o Horariu d'aforru de lluz diurna) ye'l tiempu llocal qu'un país sigue nun determináu periodu del añu y que, polo normal, consiste n'adelantar una hora l'horariu habitual.
Esti sistema ta pensáu p'aforrar lluz diurna, ye dicir, nun dormir mentanto haiga lluz solar. El tiempu oficial adelántase na primavera y el branu, de forma que les hores actives de trabayu y enseñu acomódense meyor a les hores de lluz.
La cantidá de tiempu que s'atrasa la hora ye estremada según el país, pero davezu suel ser una hora. Les feches tamién varíen, anque nel Hemisferiu Norte suel entrar a les 2:00 del últimu domingu de marzu o'l primeru d'abril p'acabar a les 2:00 del últimu domingu d'ochobre.
