Gonzalo Anes

Vida
Nacimientu	Trelles, 10 d'avientu de 1931^[1]
Nacionalidá	España
Muerte	Madrid, 31 de marzu de 2014^[1] (82 años)
Familia
Hermanos/es	Rafael Anes
Estudios
Estudios	Universidá Complutense de Madrid
Direutor de tesis	Luis García de Valdeavellano
Direutor de tesis de	Reyna Pastor de Togneri
Llingües falaes	castellanu^[2]
Oficiu	historiador, escritor, economista
Participante Democracia sin ira ^(es)
Emplegadores	Universidá Complutense de Madrid
Premios	ver Gran Cruz de la Orde Civil d'Alfonsu X el Sabiu (1999) ^[3] Gran Cruz de la Orde de Sabela la Católica (2002) ^[4] Premiu Rei Xuan Carlos I d'Economía (2006) Premiu Rei Xaime I d'Economía (2009)
Miembru de	Real Academia de la Historia

Gonzalo Anes Álvarez de Castrillón, i marqués de Castrillón (10 d'avientu de 1931, Trelles – 31 de marzu de 2014, Madrid)^[5] foi un economista, profesor ya historiador español.^[6]

Estudios

Perteneciente a una familia fidalga asturiana, cursó los sos primeros estudios en Navia y Avilés. Llogra la llicenciatura en Ciencies Económiques y Empresariales pola Universidá Complutense de Madrid en 1957 y algama el grau de Doctor en Ciencies Económiques pola mesma Universidá en 1966, cola tesis titulada Problemes de l'agricultura española nel tránsitu del Antiguu al Nuevu Réxime. Con esta tesis llogra'l premiu Taurus pa llibros d'investigación de Ciencies Sociales, que foi publicáu col títulu Les crisis agraries na España moderna.

Amplía los sos estudios en La Sorbona de París mientres el cursu 1959-1960, onde conoz y sigue les enseñances de Pierre Vilar, Ernest Labrousse y Fernand Braudel.

Trayeutoria

Dempués d'exercer como profesor ayudante y axuntu na Facultá de Ciencies Polítiques y Económiques de Madrid, en 1967 llogra por oposición la cátedra d'Historia Económica Mundial y d'España de la Facultá de Ciencies Económiques de la Universidá de Santiago de Compostela^[7] y, en 1968, la d'Historia ya Instituciones Económiques de la Facultá d'Económiques de la Universidá Complutense de Madrid.^[8]

En xunu de 1978 ye escoyíu miembru de númberu de la Real Academia de la Historia y direutor en 1998.
Miembru de l'Asociación Española de Ciencies Históriques.
Miembru del Institute for Advanced Study de Princeton (EE. XX.).^[9]
Miembru de l'Asociación d'Historia Económica Internacional.
Fundador del Centru d'Estudios de Política Esterior.^[10]
Vicepresidente de la Fundación Duques de Soria.^[11]
Presidente de la Sociedá Española d'Estudios del Sieglu XVIII.^[12]
Patronu del Real Patronatu del Muséu del Prado
Presidente mientres dellos años del Real Patronatu del Muséu del Prado.^[13]
Vocal de la xunta de gobiernu de la Fundación Príncipe d'Asturies.^[14]
Conseyeru del Bancu d'España en 1983^[15] y 1986.^[16]
Direutor de la revista "Moneda y Creitu"

Collabora, ente otres publicaciones periódiques, en 'Revista d'Economía', 'Cuadiernos Hispanoamericanos' y 'Estudios Xeográficos'.

Premios y distinciones

Premiu Rey Xaime I n'Economía (2009).^[17]
Premiu Nacional d'Historia en 1995 por El sieglu de les lluces.
Doctor Honoris Causa en Ciencies Económiques y Empresariales pola Universidá d'Uviéu.
Doctor Honoris Causa pola Universidá d'Alicante.
Gran cruz de la Orde d'Alfonso X el Sabiu, en 1999.^[18]
Caballero gran cruz de la Orde de Sabela la Católica, en 2002.^[19]
Premiu Taurus (1967), pola so tesis doctoral.

Publicaciones

El sieglu de les lluces Alianza Editorial, S.A., 2001. (ISBN 84-206-9569-6)
El suministru de Madrid mientres la primer metá sieglu XIX. Conceyu de Madrid, 1982. (ISBN 84-500-7969-1)
Les coleiciones reales y la fundación del Muséu del Prado. Fundación Amigos del Muséu del Prado, 1996. (ISBN 84-606-2701-2)
Les crisis agraries na España moderna. Taurus Ediciones, S.A. Grupo Santillana, 1981. (ISBN 84-306-3016-3)
Cultivos, llendo, diezmos y "Llei agraria" n'España. Real Academia de la Historia, 1998. (ISBN 84-89512-24-8)
Economía ya ilustración, na España del sieglu XVIII. Editorial Ariel, S.A., 1973. (ISBN 84-344-0669-1)
Economía y sociedá na Asturies del Antiguu Réxime. Editorial Ariel, S.A., 1988. (ISBN 84-344-6561-2)
L'antiguu réxime: los Borbones. Alianza Editorial, S.A., 1985. (ISBN 84-206-2044-0)
La llei agraria. Alianza Editorial, S.A., 1995. (ISBN 84-206-2820-4)
Una reflexón sobre Europa pa los españoles de la última xeneración. Editorial Biblioteca Nueva, S.L., 1998. (ISBN 84-7030-522-0)
Los señoríos asturianos. Gran Enciclopedia Asturiana Silverio Cañada, 1989. (ISBN 84-7286-286-0)
La corona y l'América del sieglu de les lluces. Marcial Pons, Ediciones Xurídiques y Sociales, S.A. (ISBN 84-7248-231-6)
Historia económica y pensamientu social. Alianza Editorial, S.A., 1983. (ISBN 84-206-8059-1)
Xornaes sobre'l Real Sitiu de San Fernando y la Industria del sieglu XVIII. Conceyu de San Fernando de Henares, 1997. (ISBN 84-922052-1-0)
Informes nel espediente de Llei Agraria: Andalucía y La Mancha, 1768. Ministeriu d'Economía y Facienda. Centru de Publicaciones, 1990. (ISBN 84-7196-879-7)
Uviéu en 1753. Tabapress, S.A., 1990. (ISBN 84-86938-45-7)
Espacios de poder: El Escorial. Caxa d'Aforros y Monte de Piedá de Madrid, 1991. (ISBN 84-606-0531-0)
Vida cotidiana en tiempos de Goya. Lunwerg Editores, S.A., 1996. (ISBN 84-7782-413-4)
Historia económica d'España. Sieglos XIX y XX. Galaxa Gutenberg; Círculu de Llectores, S.A., 2000. (ISBN 84-8109-268-1)
Campumanes nel so II Centenariu. Real Academia de la Historia. (ISBN 84-95983-22-2)
Catálogu d'esposición d'economía, sociedá política y cultural na España de Sabela II. Real Academia de la Historia, 2004. (ISBN 84-95983-34-6)