Dance ye un estilu de música moderna fecha en base a sintetizadores, tanto electrónicos como en programes manexaos por un ordenador, tamién intervienen la voz (en piezas vocales) y otros instrumentos.

Como tola música, el dance faise con compases marcaos pol ritmu, que varíen dependiendu del tipu de música electrónica col que se trate. Los compases son de 4/4, y el so tempu, pue dir dependiendu del subestilu de 120 notas negras (o golpes) (house) en un minutu a unas 200 col hardcore.

Nesta música ye tamién abondo importante la figura del DJ, que ye quien s'encarga de pinchar y amesturar la música.

El dance naz en base a la evolución de la música discu de los 80. A mediaos de los 90, entamó'l nuevu movimientu de música electrónica, que foi camudando p'hacia estilos desemeyaos, como'l dance o'l house.

A fines de los 90, la música dance comercial llegó a la cima, siendo bien popular en tolos países d'Europa, gracias a un boom que tuvo como protagonistes a Hot Butter, Gigi D'Agostino, Master Blaster, Eiffel 65, ente munchos otros, la mayoría d'orixe italianu n'esti entamu.

Anguaño'l^[¿cuándo?] dance comercial ta nuna dura crisis pol emburrie d'estilos como'l house. El pasu de grandes artistes del dance a otros estilos, como'l house (Prezioso) o inclusive'l pop (Eiffel 65) fizo cayer esti estilu musical.

Aínda asina, dalgunos de los Djs continúen col so trabayu n'esti estilu, como Gigi D'Agostino, creador y cimeru representante del soníu electrónicu mediterraneu.

Principales estilos dientro de la música dance:

• Dance
• Hardcore
• House
• Mákina
• Techno
• Trance

Subestilos y otres clasificaciones y denominaciones:

• Bakalao
• Italodance
• Breakbeat
• Cantadita
• Dub
• Electro
• Electro tek
• Eurodance
• Gabba|Gabba ó Gabber
• Happy hardcore
• Jungle
• Raggatech
• Progresive
• Tribal
• Hardhouse
• Hardtek
• Hardtecno
• Harddance
• Max Minimal
• Minimal
• Moombahcore
• Pumping
• Deep
• Hardstyle
• Jumper

Amás anguaño hai otros subestilos dientro d'ellos gracies a la globalización, la cultura dance y electrónica espardióse tanto, que la cultura musical de dellos países va creando ca veigada más xeneros de música.