Wappa | Deitschlandkart | |
---|---|---|
![]() |
| |
Basisdata | ||
Bundesland: | Bade-Wirttebärg | |
Regierongsbezirk: | Stuegert | |
Landkroes: | Esslenga | |
Heh: | 371 m i. NHN | |
Fläch: | 7,12 km² | |
Eiwohner: |
6390 (31. Dez. 2022)[1] | |
Bevelkerongsdicht: | 897 Eiwohner je km² | |
Boschtloetzahl: | 72649 | |
Vorwahl: | 07022 | |
Kfz-Kennzoeche: | ES | |
Gmoedsschlissel: | 08 1 16 073 | |
Adress vo dr Gmoedsverwaltong: |
Kirchstraße 19 72649 Wolfschlugen | |
Webpräsenz: | ||
Schuldes: | Matthias Ruckh | |
Lag vo de Gmoed Wolfschlugen em Landkroes Esslenga | ||
![]() |
Dialäkt: Zentralschwäbisch |
Wolfschluaga (['volfʃluɐ̃gɐ̃] (dt. Wolfschlugen; adjektivisch mit Umlaut wolfschliagor ['volfʃliɐ̃gǒr]) isch a Gmaende em Landgraes Essleng en Bada-Wirttabärg. D Gmaende håd 6390 Eiwohner (Stand: 31. Dezember 2022).
Wolfschluaga leid uff dor Fildor. Nochborgmaedena send Nuihausa em Norda, Ondorẽseng em Osda, Niirdeng em Sidosda, Aechtal em Sidwäsda ond Filderstadt em Wäsda (älle Langraes Essleng). Vo Wolfschluaga ond saenor Omgäbung aus håd-mor nåch Siida on weida Ausbligg auf d Schwäbischa Alb..
D Gmarkong setzt sich zsẽma aus 17,9 % Landwirdschaftsfleche, 4,8 % Wald, 7,4 % Sidlongsfleche ond 0,1 % sonsdicher Fleche.[2]
Älle wichdiche Aekaofsmeglichkaeda ond Aerichdonga firr dor Alldad send em Flägga då. Ärzd ond a Apotheg send ao vorhanda. Arbeidsblätz geid-s en Handwärksbedriib ond en middlsdändische Bedriib.
Wolfschluaga isch vor aldors här nåch Niirdeng orientierd. Durch Wolfschluaga durch gåd d Omnibuslinie 74 vom Vorkehrsvorbund Sduagord, vom Bãhof Niirdeng här nach Fildorsdadd-Bärnhausa (dord Ãschluss an d S-Bā-Linia 2 ond 3, ibor dor Flughafa Sduagord nach Sduagord Sdaddmidde) ond weidor nåch Sduagord-Dägorloch (dord Ǎschluss an d Sdaddbã Sduagord). D Omnibuslinie 120 vorbended Wolfschluaga ibor Ostfildern-Nälleng mit dor Graessdadd Essleng.
En Wolfschluaga isch a Grondschual. Midd-m Nåchborord Nuihausa geids dord a gemaensama Werkrealschual. Älle weidore Schuala geid-s en Niirdeng. Wolfschluaga håd drei Kircha: a Evangelische Kirch, a Katholischa Kirch ond a Nuiapostolischa Kirch.
Wolfschluaga isch zom aersda Mål gnennt wårda em Jår 1318. Dor Flägga isch vo Ãfang ã aldwirddabärgisch gwäa. En dor Reformziõ isch-or evangelisch wårda.
Wolfschluaga håd mid dor Stadt Niirdeng ond de Gmaendena Ondorboeng, Ondorẽseng, Friggahausa ond Graosbeddleng a Verwaldongsgmaeschaft voraebard.
Schuldes isch dor Matthias Ruckh.
Ergäbnis vo de Landdagswahla seid 2006:[3]
Jahr | CDU | Greane | SPD | FDP | Lenke1 | AfD | Sonschtiche |
2016 | 29,7 % | 30,7 % | 12 % | 7,4 % | 1,5 % | 14,7 % | 4 % |
2011 | 40,5 % | 22,3 % | 24,9 % | 4,3 % | 1,4 % | 6,5 % | |
2006 | 42,6 % | 12,6 % | 22,1 % | 13,6 % | 1,3 % | 7,8 % |
1 2006: WASG, seid 2011: Die Linke
Dor Dialäggd vo Wolfschluaga isch Zendralschwäbisch.