Widsole | |
![]() | |
Verwàltung | |
---|---|
Land | ![]() |
Region | ![]() |
Département | Haut-Rhin (68) |
Arrondissement | Colmar-Ribeauvillé |
Kànton | Anze |
Kommünàlverbànd | Pays Rhin - Brisach |
Àmtliga Nàma | Widensolen |
Maire | Josiane Bigel (2014-2020)[1] |
Code Insee | 68367 |
Poschtlaitzàhl | 68320 |
Iiwohner | |
Iiwohner | 1.202 |
Flech | 10,67 km2 |
Bevelkerungsdicht | 113,03 Iiw./km2 |
Làg | |
Koordinate | 48° 03′ 45″ N, 7° 28′ 48″ E / 48.0625°N,7.48°EKoordinate: 48° 03′ 45″ N, 7° 28′ 48″ E / 48.0625°N,7.48°E |
Heche | 188 m |
Website | |
http://www.widensolen.fr |
Widsole (IPA: [ˈʋiːtsoːlə]; frz. sit 1999 Widensolen, devor Widensohlen) ìsch e frànzeesche Gmein ìm Owerelsàss ìn dr Region Grand Est (bìs 2015 Region Elsàss). D Gmein ghert zem Kanton Anze un zem Arrondissement Colmar-Ribeauvillé.
Dr Ort lijt 6 km nordweschtlich vu Nej-Brisach un 8 km öschtlich vu Colmar in dr Rhieweni am End vum Widsoler Kanal, wo vu Nej-Brisach herkummt. Dr Stross uf s'2 km nördlich gleje Ürsche verläuft uf dr alte Reemerstross.
Die beditendscht Entdeckung us vorgschichtlicher Zitt uffem Widesoler Bann sin anno 1909 kupferni Rippebarre us dr Bronzezit (1800-1500 v. Chr.) im e Garte vum Dorf gsi, wo die einzige sonige bekannte im gsamte Elsass sin.
Us dr Isezit (750-620 v. Chr.) sin Grabhüegel (Tumuli) bekannt, wo Töpfereiware un e Urne gfunde worre sin. Zahlrichi Funde künde vu dr Besidelung in dr Reemische Zit vu 50 v. Chr. bus guet 400 n. Chr.
S'Dorf wird in ere Urkunde vu 768 im Zug vu ere Schenkung vu eme Wido gnennt un 940 als Widosolica erwähnt. Dr Namme beziegt sich wohl uf säller Wido.
Im Hochmittelalter isch s'Dorf e Teil vu dr Herrschaft vu Horburg gsi, bevor es vu 1324 bis 1789 zue Wirdebàrig ghört het un dorum 1535 evangelisch worre isch, wo mer z'Wirdebàrig d'Reformation ingfüehrt het. 1687 isch d'Oberhoheit, wo vorher bim Ditsche Riich gläge isch, an Frankriich gfalle un dorum dr Katholizismus wiider erläubt worre, trotz witterhi (bis zue dr Grosse Revolution) wirdebàrigscher un demit evangelischer Hoheit. Vun 1871 bìs 1918 hàt d Gmein zem ditsche Richslànd Elsàss-Lothringe ghert. 1875 isch dr Namme no uf Wiedensohlen gänderet worre, mit dr Rückgab an Frankrich 1919 uf Widensohlen un 1999 schliesslich uf Widensolen.
Mitem Afang vum 20. Johrhundert het sich Kleiindustri agsidelet. Im Juni 1940 isch d'Bevölkerung nooch em ditsche Agruiff uf Frankrich uf Puymiclan im Département Lot et Garonne evakuierte worre. Nooch dr franzeesche Niderlag un dr Besetzung durch Naziditschland isch d'Bevölkerung e Virtel Johr später wiider zruckkehrt. In dr Nacht vum 31. Jänner 1945 isch Widsole no durch amerikanischi Truppe befreit worre.
D Maire vun Widsole ìsch d Josiane Bigel. Widsole ghert zem Kommünàlverbànd Pays Rhin - Brisach.
1978 isch s'hittig Gmeiwappe verlihe worre.
D'Bevölkerung isch anno 2001 bi 1070 Seele gleje. Örtlichi Regionalsproch isch Elsàsserditsch.
Johr | 1962 | 1968 | 1975 | 1982 | 1990 | 1999 | 2007 |
Inwohner[2] | 420 | 431 | 506 | 624 | 825 | 1051 | 1238 |
D Maire isch d Josiane Bigel.