Trueb | |
---|---|
![]() | |
Basisdate | |
Staat: | Schwiiz |
Kanton: | Bärn (BE) |
Verwautigschreis: | Ämmetal |
BFS-Nr.: | 0908 |
Poschtleitzahl: | 3556 |
Koordinate: | 633864 / 198121 |
Höchi: | 790 m ü. M. |
Flächi: | 62.0 km² |
Iiwohner: | 1322 (31. Dezämber 2022)[1] |
Website: | www.trub.ch |
![]() Trueb | |
Charte | |
![]() |
Trueb (amtlech Trub) isch e politischi Gmeind im Verwaltigskreis Ämmetal vom Kanton Bärn in dr Schwyz.
Trueb lit im obere Ämmetal, im Napfbärgland. Es isch e Streusiedligsgebiet und landwirtschaftlich prägt. Flächemässig ghört s mit 6201 Hektare zu de grösste Gmeinde im Kanton Bärn. Öbbe 50 % vo dr Gmeindiflächi isch bewaldet. Dr höchsti Punkt lit uf em Napf bi 1408 m.ü.M. Zur Gmeind Trueb ghört dr Wiiler Fankhuus (Postleitzahl: 3557).
Trueb isch zum erschte Mal gnennt worde im Jahr 1139 als Truoba, um 1256 Trouba. Historischi Bedütig het Trueb vor allem wägen em Chloster Trueb, eme ehemalige Benediktinerchloster, wo im Reformationsjahr 1528 ufglöst worde isch.
Bis zum 31. Dezämber 2009 het d Gmeind zum Bezirk Signou ghört.
Im Jahr 1900 het Trueb no 2606 Ywohner gha. Sitdem het s immer meh Iiwooner verlore. Trueb isch e klassischs Uswanderigstal. Das cha me dra gseh, dass öbbe 50’000 Lüt do ihre Bürgerort hai. Nach Langnau isch Trueb die zweitgrössti Bürgergmeind im Kanton Bärn.
Jahr | 1850 | 1880 | 1888 | 1900 | 1910 | 1920 | 1930 | 1941 | 1950 | 1960 | 1970 | 1980 | 1990 | 2000 | 2010 |
---|---|---|---|---|---|---|---|---|---|---|---|---|---|---|---|
Ywohner | 2536 | 2486 | 2567 | 2606 | 2615 | 2485 | 2210 | 2173 | 2149 | 1981 | 1833 | 1607 | 1613 | 1506 | 1396 |
Quälle: Bundesamt für Statistik 2005[2]
Dr Uusländeraateil isch 2010 bi 1,8 % gläge.[3]
89,8 % vo de Ywohner si evangelisch-reformiert, 2,9 % si römisch-katholisch (Stand 2000).
Bi de Nationalraatswahle 2011 het s das Ergebnis ggää:[3] BDP 16,7 %, CVP 0,5 %, EVP 1,5 %, FDP 1,7 %. GLP 1,0 %, GP 7,5 %, SP 5,1 %, SVP 62,8 %, Suschtigi 3,2 %.
Gmeindspresidäntin vo Trueb isch d Christine Reber (Stang 2013).
D Arbetslosigkeit isch im Jahr 2011 bi 0,8 % gläge.[3]
Bir Volkszellig 2000 hei vo de 1506 Ywohner 99,5 % Dütsch als Houptsprach aaggää u 0,1 % Französisch.[3]
Dr Dialäkt vo Trueb ghört zum Hochalemannisch.
Sit 1994 het Trueb e Gemeindspartnerschaft mit Novosedly nad Nežárkou z Tschechie.