Dr Thukydides (altgriech. Θουκυδίδης * vor 454 v. d. Z.; † woorschinlig zwüsche 399 v. d. Z. und 396 v. d. Z.) isch e Athener Strateeg und e groosse antike Historiker gsi. Drfür wie dr Thukydides d Chreft wo uf d Gschicht iiwirke gsee het, si bsundrigs sini Aanaame über d Natur vom Mensch und sini Motiv vo Bedütig, wil die groosse Iifluss uf die politische Verheltniss häi.
Si Wärk über e Peloponnesisch Chrieg[1] setzt bis hüte Maasstääb in dr Gschichtsschriibig. Dr Thukydides isch zwar nid fertig worde drmit, aber er het mit em die nöitrali Suechi noch dr Wooret zur Methode gmacht, wo d Gschichtschriibig verpflichtet, wenn si objektiv-wüsseschaftlig will si. Die hütigi Thukydides-Forschig isch aber nid sicher, öb är sälber däm Aaspruch immer grächt worde isch won er si Wärk gschriibe het. Vor allem, wien er d Rolle vom Perikles bim Usbruch vom Peloponnesische Chrieg daarstellt, isch doo und dört aazwiiflet worde.
Dr Thukydides sälber het dr Sinn vo sine Ufzäichnige din gsee, dr Noochwält „e Bsitzdum für immer“[2] z hinderloo. S markantiste Bischbil drfür wien em das glunge isch, isch wien er underschäidet zwüsche de verschidnige churzfristige Aaläss für dr Peloponnesisch Chrieg und de langfristige Ursache, wo in dr domoolige griechische Groossmächt-Rivalidäät zwüsche dr Seemacht Athen und dr Landmacht Sparta glääge si.
Thukydides (uf Griechisch) im dütschsprochige Wikisource
Thukydides im dütschsprochige Wikisource
![]() |
Dä Artikel basiert uff ere fräie Übersetzig vum Artikel „Thukydides“ vu de dütsche Wikipedia. E Liste vu de Autore un Versione isch do z finde. |