D Regioon Thessalie (noigriech. Θεσσαλία, Thessalía) lit in Griecheland südlig vo dr Regioon Makedonie und nördlig vo dr Regioon Middelgriecheland. Im Weste gränzt si an d Regioon Epirus (neugriech. Ipiros).
Thessalie het e Flechi vo 14.036 km² und e Bevölkerig vo 760'714 Iiwoonern (im Joor 2005). D Hauptflüss dur die thessalischi Ebeni si dr Titarisios und dr Pinios.
D Hauptstadt vo dr Regioon isch Larisa, wo 2004 128'758 Iiwooner ghaa het.
D Regioon Thessalie gliideret sich in fümf Regionalbezirk (Ez. gr. periferiaki enotita). Proportional zu deren iirer Iiwoonerzaal schicke si e bestimmti Zaal vo Abgeordnete in dr 51-chöpfigi Regionalroot[1]. Drei vo de Bezirk entspräche de Gebiet vo ehemoolige Brefekture, us dr Brefektur Magnisia het mä die drei Gmäinde vo de Nördlige Sporade uusegnoo, und iine iire äignig Regionalbezirk gee, wo äi Abgeordnete in dr Regionalroot schickt.
Regionalbezirk | Iiwooner | Sitz | Gmäinde |
---|---|---|---|
Karditsa | 129.541 | 9 | Argithea, Karditsa, Limni Plastira, Mouzaki, Palamas, Sofades |
Larisa | 279.305 | 19 | Agia, Elassona, Farsala, Kileler, Larisa, Tembi, Tyrnavos |
Magnisia | 193.439 | 13 | Almyros, Notio Pilio, Rigas Fereos, Volos, Zagora-Mouresi |
Sporade | 13.556 | 1 | Alonissos, Skiathos, Skopelos |
Trikala | 138.047 | 9 | Farkadona, Kalambaka, Pyli, Trikala |
Im Vergliich mit em BIP vo dr EU noch em Standard vo dr Chaufchraft het Thessalie en Index vo 90,01 (EU-25:100) (2003).[2]
Koordinate: 39° 30′ N, 22° 0′ O
![]() |
Dä Artikel basiert uff ere fräie Übersetzig vum Artikel „Thessalien“ vu de dütsche Wikipedia. E Liste vu de Autore un Versione isch do z finde. |