Dr Stefan August Graf (* 1958) isch e dytsche Dokter fir Anästhesiology un en alemannische Liedermacher.
Dr Graf isch z Singe ufgwachse. Noch em Medizinstudium het er as Assistänzdokter ai Johr z Irland gschafft. Ab 1989 het er z Fryburg im Brysgau gschafft un isch derno anne 2002 mit syre Familie in d Schwyz zooge un het am Spital im fyburgische Taafersch as Fachdokter fir Anästhesiology un Stellverdrättende Schefdokter aagfange. Wu s Spital Taafersch im ame vu dr Spitalfusione vum Kantonsspital z Fryburg ibernuu woren isch, isch dr Graf ins bärnisch Münsige gange un het dert am Bezirksspital as Laitende Dokter fir Anästhesy aagfange.
Dr Graf schrybt un singt Lieder im Hegauer Alemannisch. Anne 1975 het er sy eerscht Lied gschriibe un syterhär isch er as Liedermacher ufdrätte, uf Chlaichunschtbiinene un au im Raadio un Fäärnsee. Anne 1985 het dr Stefan Graf bim Wettbewärb Jungi Mundart 84 vu dr Muettersproch-Gsellschaft dr 1. Bryys fir Lieder gwunne. Au bim Isteiner Klotz-Wettbewäärb anne 1989 het er e Bryys gwunne.
Dr Graf isch gyhrote un het mir syre Frau ne Suhn un e Doochter. Är läbt z Münsige.