Dr Begriff (Soziali) Klass bezäichnet in de Sozialwüsseschafte e Klass vo Lüt wo gmäinsami soziali Merkmol häi, vor allem wirtschaftligi.
Dr Begriff vo dr soziale Klass bezieht isch vom Karl Marx brucht worde im Sinn von ere Differenzierig vo dr Gsellschaft noch underschiidlige Klasse. Lut em Marx isch e Klassegsellschaft im Wääsentlige dichotom und het scho immer us de opposizionelle Inträssegmäinschafte vo de Herrscher und de Beherrschte bestande. Dr Marx het dr Begriff vo dr Klass brucht, zum vom ene sogenannte Klassekampf z reede und die regierti Meerhäit as en Inträssegmäinschaft z würdige und politisch aktiwiere. S Gfüül, zämmezghööre, oder Klassebewusstsi cha in ere Gmäinschaft existiere, muess es aber nid, so wie s öiropäische Proletariat am Aafang vom 19. Joorhundert no kä Klassebewusstsii entwigglet het. Ass mä au für die Zit vo soziale Klasse cha reede bedütet nid, ass es in dene Klasse e Gfüül vom Zämmeghööre gee hätti, und scho gar nid ass si politisch gmäinsam hätte chönne handle.
In dr Soziologii git s Kontrowärse wägen em Klassebegriff. Er isch vor allem in sine polemisch-politische Uswirkige umstritte. In dr Geegewart wärde Diskussioone gfüert über e dransnazionali kapitalistischi ‚Klass‘, wo am sich bilde isch. Im überdräite Sinne wird vo dr politische Klass as dr Füerigsschicht vo de Bruefspolitiker greedet.
Im Underschiid zum dütschsproochige Ruum wird im angelsäggsische dr Klassebegriff (class) brucht, ooni dass mä sofort in däm, won en verwändet, e Marxist gseet; dört wird au hüte vo „Kapitalismus“ (capitalism) greedet, wääred sich im Dütsche „Määrtwirtschaft“ as Bezäichnig duuregsetzt het.
![]() |
Dä Artikel basiert uff ere fräie Übersetzig vum Artikel „Soziale_Klasse“ vu de dütsche Wikipedia. E Liste vu de Autore un Versione isch do z finde. |