Soulmuusig oder äifach Soul bezäichnet e Hauptströmig in dr afroamerikanische Underhaltigsmuusig. Si het sich am Ändi vo de 1950er Joor us em Rhythm and Blues und Gospel entwigglet. In de 1960er Joor isch Soul fast s Sünonüüm für schwarzi Popmuusig gsi. D Gschicht vo dere Stilrichdig isch äng verbunde mit em Kampf vo dr amerikanische Bürgerrächtsbeweegig gege d Rassedrennig und für d Gliichberächtigung.
D Soulmuusig het sich in de 1960er an dr Muusig vo Gospelsänger orientiert und deren iirer Intensidäät vom Gfüül, wo sich zum Bischbil bim Singe im Shouting und eme rhütmische Chlatsche güsseret het, mit dr musikalische Energii und dr Bändstruktur vom Rhythm ’n’ Blues kombiniert. Aber wo dr Rhythm ’n’ Blues vilmol grob gsi isch, het d Soulmuusig Moode und Eliganz usgstraalt. Wichdig isch au s nöije Gfüül vom Sälbstwärt gsi, wo schwarzi Sänger wie d Aretha Franklin 1967 in „Respect“ und dr James Brown 1968 in „Say It Loud – I’m Black And I’m Proud“ vermiddlet häi.
|
Dä Artikel basiert uff ere fräie Übersetzig vum Artikel „Soul“ vu de dütsche Wikipedia. E Liste vu de Autore un Versione isch do z finde. |